ញាក់សាច់! ត្រឹម ២ថ្ងៃសោះ MV របស់ J-Hope កេណ្ឌអ្នកចូលមើលទាំងលានៗ

2018-03-03 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀងទោលថ្មីរបស់ J-Hope សមាជិកក្រុមចម្រៀង BTS បានលេចរូបរាងជាផ្លូវការកាលពីថ្ងៃទី ០១ ខែមីនា ឆ្នាំ ២០១៨ ហើយមកទល់ថ្ងៃនេះ (ថ្ងៃទី ០៣ ខែមីនា ឆ្នាំ ២០១៨) សន្ទុះនៃការគាំទ្រកើនឡើងយ៉ាងគំហុក។

វីដេអូបទចម្រៀង "Daydream” របស់ J-Hope បានបញ្ចេញជាផ្លូវការលើ YouTube កាលពីថ្ងៃទី ០១ ខែមីនា។ បទថ្មីនេះ បានបង្ហាញយ៉ាងច្បាស់ ពីទេពកោសល្យខាងរ៉េបរបស់ សមាជិក BTS រូបនេះ ក៏ដូចជាបានធ្វើឲ្យអ្នកគាំទ្រកាន់តែពេញចិត្តនឹងភាពអស្ចារ្យរបស់លោកថែមទៀត។

តួយ៉ាងប្រមាណ ៧ម៉ោងក្រោយបង្ហាញរូបរាងលើ YouTube វីដេអូបទ "Daydream” ពិតជាបានទាក់ទាញអ្នកទស្សនាជាច្រើនរហូតទៅដល់ ៥លានដង និងទទួលបានចំនួនចុច Like ដល់ទៅ ១លាន។

កាន់តែភ្ញាក់ផ្អើលរហូតមកដល់ថ្ងៃនេះ ចំនួនចូលទស្សនាកើនឡើងជាង ១៤លានដង ស្របពេលចំនួន Like មានចំនួន ២លាន។ កត្តានេះអាចបញ្ជាក់យ៉ាងច្បាស់ថា ប្រជាប្រិយភាពរបស់ J-Hope ក៏ដូចជាក្រុម BTS ទាំងមូលមានទំហំធំធេងគួរឲ្យកត់សម្គាល់៕

ចុចអាន៖

អត្ថបទ៖ យី សុធារី