ការពិតទាំង ៤ អំពីបុណ្យសិទ្ធនារីអន្តរជាតិដែលលោកអ្នកប្រហែលមិនធ្លាប់ដឹង
- 2018-03-08 06:26:32
- ចំនួនមតិ 0 | ចំនួនចែករំលែក 0
ការពិតទាំង ៤ អំពីបុណ្យសិទ្ធនារីអន្តរជាតិដែលលោកអ្នកប្រហែលមិនធ្លាប់ដឹង
ចន្លោះមិនឃើញ
ខណៈកម្ពុជា និងបណ្ដាប្រទេសជាច្រើននៅលើពិភពលោក កំពុងអបអរទិវាសិទ្ធនារីអន្តរជាតិ ៨មីនា អត្ថបទនេះនឹងបង្ហាញពីការពិតចំនួន ៤ ដែលលោកអ្នកប្រហែលមិនធ្លាប់ដែលដឹងអំពីបុណ្យមួយនេះ មានដូចតទៅ៖
១.ទិវានេះដំបូងឡើយមានឈ្មោះថា ទិវាសិទ្ធកម្មការិនីអន្តរជាតិ (International Working Women's Day) ហើយត្រូវបានធ្វើឡើងនៅថ្ងៃទី ២៨ កុម្ភៈ ឆ្នាំ ១៩០៩ ក្នុងទីក្រុង New York សហរដ្ឋអាមេរិក។ ការណ៍នេះប្រារព្ធឡើងដើម្បីជាការរំលឹកដល់ព្រឹត្តិការណ៍បាតុកម្មរបស់សហជីពកម្មការិនីអន្តរជាតិដែលបានធ្វើឡើងក្នុងឆ្នាំ ១៩០៨ នៅសហរដ្ឋអាមេរិក ដើម្បីទាមទារសិទ្ធិនយោបាយ និងសង្គម។
២.ទើបតែចាប់ពីឆ្នាំ ១៩១៤ប៉ុណ្ណោះ ដែលបុណ្យសិទ្ធនារីត្រូវបានធ្វើឡើងចំថ្ងៃទី ៨ មីនា។ មូលហេតុដែលកាលពីឆ្នាំ ១៩១៤ បុណ្យនេះត្រូវបានប្រារព្ធឡើងចំថ្ងៃទី ៨មីនា គឺដោយសារថ្ងៃនោះ ចំថ្ងៃអាទិត្យ ដែលជាថ្ងៃកម្មការិនីភាគច្រើនឈប់សម្រាក ដូច្នេះអាចចូលរួមក្បួនដង្ហែអបអរទិវានេះបាន។
៣.ថ្ងៃទី ៨មីនា ត្រូវបានប្រកាសជាបុណ្យជាតិក្នុងសហភាពសូវៀតក្នុងឆ្នាំ ១៩១៧។ ក្រោយៗមក មានប្រទេសជាច្រើន ជាពិសេសបណ្ដាប្រទេសសង្គមនិយម ក៏បានចាត់ទុកបុណ្យនេះជាបុណ្យជាតិរបស់ខ្លួន។ ទិវាសិទ្ធនារីត្រូវបានអង្គការសហប្រជាជាតិទទួលស្គាល់ជាផ្លូវការក្នុងឆ្នាំ ១៩៧៧។
៤.បើតាមអង្គការសហប្រជាជាតិ ទិវាសិទ្ធនារី គឺជាថ្ងៃដែលស្នាដៃរបស់ស្ត្រីត្រូវបានទទួលស្គាល់ដោយមិនមានភាពរើសអើងពីសញ្ជាតិ ជាតិពន្ធុ ភាសា វប្បធម៌ ស្ថានភាពសេដ្ឋកិច្ច ឬនិន្នាការនយោបាយ។ ទិវានេះគឺជាពេលវេលាមួយដើម្បីធ្វើការសម្លឹងមើលត្រលប់ថយក្រោយទៅកាន់ការតស៊ូព្រមទាំង អ្វីៗដែលសម្រេចបានកាលពីអតីតកាល និងជាពិសេសគឺដើម្បីមើលឆ្ពោះទៅមុខនូវសក្ដានុពល និងឱកាសរបស់ស្ត្រីនាថ្ងៃអនាគត៕