ការពិតចំនួន ៥ដែលលោកអ្នកអាចមិនដែលដឹងពីអ្នកចាត់ការពូកែសម្ដី Mourinho
- 2018-03-05 11:35:22
- ចំនួនមតិ 0 | ចំនួនចែករំលែក 0
ការពិតចំនួន ៥ដែលលោកអ្នកអាចមិនដែលដឹងពីអ្នកចាត់ការពូកែសម្ដី Mourinho
ចន្លោះមិនឃើញ
តាំងពីចាប់អាជីពជាអ្នកចាត់ការ នៅឆ្នាំ ២០០០ មក លោក Jose Mourinho បានឈ្នះពានធំៗជាច្រើនក្នុងពិភពបាល់ទាត់ ដែលនេះធ្វើឲ្យលោកត្រូវបានមតិជាច្រើនចាត់ទុកថាអ្នកចាត់ការមួយរូប ក្នុងចំណោមអ្នកចាត់ការដ៏ជោគជ័យបំផុតលើលោក។ ខាងក្រោមជាការពិតមួយចំនួនទាក់ទងនឹងអ្នកចាត់ការសញ្ជាតិព័រទុយហ្គាល់មានដូចតទៅ៖
១.លោក Mourinho ធ្លាប់ជាគ្រូមុខវិជ្ជា កាយសម្ព័ន្ធ នៅក្នុងទីក្រុង Lisbon រដ្ឋធានីប្រទេសព័រទុយហ្គាល់៖ បន្ទាប់ពីបានបញ្ចប់ថ្នាក់មហាវិទ្យាល័យនៅឆ្នាំ ១៩៨៧ លោកបានបង្រៀនមុខវិជ្ជាកាយសម្ព័ន្ធនៅតាមសាលាបឋមសិក្សាជាច្រើន។
២.លោក Mourinho ចេះច្រើនភាសា៖ លោកចេះនិយាយដល់ទៅ ៦ភាសា ដូចជា ព័រទុយហ្គាល់ អង់គ្លេស អេស្ប៉ាញ កាតាឡាន់ អ៊ីតាលី និងបារាំង។
៣.លោក Mourinho បានឈ្នះពានលីគ ក្នុងប្រទេសចំនួន ៤៖ ប្រទេសទាំងនោះរួមមាន ព័រទុយហ្គាល់ (ឈ្នះជាមួយ Porto) អ៊ីតាលី (ឈ្នះជាមួយ Inter Milan) អេស្ប៉ាញ (ឈ្នះជាមួយ Real Madrid) និងអង់គ្លេស (ឈ្នះជាមួយ Chelsea)។
៤.ឈ្មោះឪពុក និង កូន របស់លោកសុទ្ធតែផ្ដើមពីឈ្មោះ “Jose” ៖ លោក Jose Mourinho ដែលមានឈ្មោះពេញ Jose Mario dos Santos Mourinho Felix មានឪពុកឈ្មោះ Jose Manuel Mourinho Felix និងមានកូនប្រុសឈ្មោះ Jose Mario Mourinho Jr.។
៥.ប្រពន្ធ និងកូនស្រីរបស់លោក មានឈ្មោះដូចគ្នា៖ ប្រពន្ធលោក Mourinho មានឈ្មោះ Matilde ខណៈកូនស្រីរបស់លោក មានឈ្មោះ Matilde Mourinho៕