បាត់ដំណឹងឪពុកជាង៥០ឆ្នាំហើយ តារាហុងកុង Anthony នៅតែរកមិនទាន់ឃើញ
- 2018-03-05 03:09:43
- ចំនួនមតិ 0 | ចំនួនចែករំលែក 0
បាត់ដំណឹងឪពុកជាង៥០ឆ្នាំហើយ តារាហុងកុង Anthony នៅតែរកមិនទាន់ឃើញ
ចន្លោះមិនឃើញ
តារាសម្ដែងហុងកុងជើងចាស់ Anthony Wong គឺជាតារាប្រុសដែលទទួលបានជោគជ័យខ្លាំងលើវិថីសិល្បៈ ប៉ុន្តែចំពោះជីវិតឯកជនវិញ លោកជួបរឿងរ៉ាវកម្សត់ស្មានមិនដល់។
ក្នុងបទសម្ភាសមួយជាមួយសារព័ត៌មាន BBC តារាប្រុសវ័យ ៥៦ឆ្នាំរូបនេះ បានបើកកកាយជីវិតពីកុមារភាពរបស់លោក និងភាពភ័យខ្លាចដែលលោកប្រឈមពេលឪពុកចាកចេញទៅ។ នៅពេល Anthony មានអាយុ ៤ឆ្នាំ ឪពុករបស់លោកបានចាកចោល លោក និងម្ដាយឲ្យនៅកណ្ដោចកណ្ដែង។ មកទល់ពេលនេះ មានរយៈពេល ៥២ឆ្នាំហើយ ដែលលោកមិនទាន់រកឃើញលោកឪពុក បើទោះ Anthony ព្យាយាមប្រកាសស្វែងរកយ៉ាងណា ក៏មិនមានដំណឹងដែរ។
ឪពុករបស់ Anthony ជាជនជាតិអង់គ្លេស និងម្ដាយជាជនជាតិចិន-ហុងកុង។ ក្រោយឪពុកចាកចោលទៅ តារាប្រុសរូបនេះ ត្រូវម្ដាយចិញ្ចឹមបីបាច់ថែរក្សារហូតមក។ ដោយសារជាកូនកាត់បែបនេះ ទើប Anthony មានមុខមាត់ខុសពីក្មេងៗដទៃ ដល់ថ្នាក់មិត្តរួមថ្នាក់ចំអកថា លោកជាមនុស្សចម្លែក។
នៅអាយុ ១២ឆ្នាំ លោកធ្លាក់ខ្លួនឈឺ រហូតត្រូវវះកាត់។ ពេលជួបស្ថានភាពលំបាកបែបនេះ ទើបម្ដាយរបស់លោក ដាច់ចិត្តទាក់ទងទៅឪពុករបស់លោកដែលកំពុងរស់នៅប្រទេសអូស្ត្រាលី ហើយពេលនោះ ជាលើកចុងក្រោយដែលគ្រួសារទាក់ទងលោកឪពុករូបនោះ។
ដោយសារមានរឿងជាច្រើនកើតឡើងក្នុងជីវិតពេលនោះ ទើបបណ្ដាលចិត្ត Anthony ឲ្យក្រោកឈរដោយរឹងមាំ និងតស៊ូប្រឹងប្រែង ដើម្បីឲ្យជីវិតមានភាពប្រសើរឡើង។ រហូតដល់ឆ្នាំ ១៩៨២ លោកបានបណ្ដែតខ្លួនលើវិថីសិល្បៈ និងក្រោយមកបានទៅសិក្សានៅប្រទេសអង់គ្លេស ដោយក្នុងបំណងស្វែងរកឪពុក ប៉ុន្តែមិនទទួលបានលទ្ធផលអ្វីទាំងអស់។
មិនអស់សង្ឃឹមក្នុងដំណើរស្វែងរកឡើយ ពោលគឺកាលពីឆ្នាំមុន លោកបានបង្ហោះរូបឪពុកម្ដាយរបស់លោក ព្រោះគិតថាឥទ្ធិពលបណ្ដាញសង្គមពិតជាខ្លាំងមិនធម្មតាទេ នាពេលបច្ចុប្បន្ន។ ប៉ុន្តែអ្វីៗមិនដូចអ្វីដែលគិតនោះទេ ព្រោះថានៅតែគ្មានតម្រុយណាមួយដែលលោកចង់បាន ហើយលោកគិតថាប្រហែល ឪពុកដែលបាត់ខ្លួនជាង ៥០ឆ្នាំនោះ ប្រហែលទទួលមរណភាពទៅហើយ។
ត្បិតកន្លងទៅអស់រយៈពេលជាច្រើនឆ្នាំ ប៉ុន្តែអារម្មណ៍ភ័យខ្លាច និងឧបសគ្គមួយចំនួនក្នុងជីវិតនៅតែតាមលងបន្លាច។ ដូចនេះ Anthony ក៏សម្រេចបណ្ដោយពេលវេលាអតីតកាលទាំងនោះទៅតាមខ្យល់ទាំងអស់ ហើយរស់នៅជាមួយបច្ចុប្បន្នវិញ ប្រសើរជាង៕
ចុចអាន៖