២ចំណុច រារាំងតាក់តិចលោក ភា សុភក្ត្រា នៅកីឡដ្ឋានសៀមរាប
- 2018-03-05 08:34:43
- ចំនួនមតិ 0 | ចំនួនចែករំលែក 0
២ចំណុច រារាំងតាក់តិចលោក ភា សុភក្ត្រា នៅកីឡដ្ឋានសៀមរាប
ចន្លោះមិនឃើញ
ប្រកួតដំបូងក្នុងនាមជាគ្រូបង្វឹកក្លឹបក្រសួងការពារជាតិ លោក ភា សុភក្ត្រា បាននាំក្រុមយក៣ពិន្ទុពីអង្គរថៃហ្គ័រ ក្រោយយកឈ្នះ១-០ នៅកីឡដ្ឋានខេត្តសៀមរាប។
គ្រូបង្វឹកដែលមានបទពិសោធច្រើនក្នុងការដឹកនាំយុវជន បាននិយាយក្រោយចប់ការប្រកួតថា៖ “វាជារឿងល្អដែលខ្ញុំអាចយកឈ្នះការប្រកួតដំបូងបាន។ ប៉ុន្តែទន្ទឹមនឹងនោះក៏មានកត្តា២ដែលធ្វើឱ្យទម្រង់ខ្ញុំមិនទាន់ល្អដែរ ក្នុងនោះមានកត្តាទីលាននិងអាកាសធាតុ។ ទីលាននៅសៀមរាប មិនទាន់ធ្វើហើយ ខណៈដែលអាកាសធាតុក្ដៅទៀត ធ្វើឱ្យក្រុមមិនទាន់លេងបានល្អ តាមអ្វីដែលហាត់រៀនទេ”។
យ៉ាងណាមិញ គ្រូបង្វឹកវ័យក្មេងរូបនេះសម្គាល់ឃើញថាកូនក្រុមហាក់ដូចជាយល់ពីចិត្តសាស្ត្រ ក្បូនប្រយុទ្ធរបស់លោកច្រើនហើយ។ ដូច្នេះប្រកួតក្រោយគឺនឹងកាន់តែល្អមើលថែមទៀតសម្រាប់អ្នកគាំទ្រ ត្បិតអីក្រសួងការពារជាតិត្រូវប៉ះក្រុមខ្លាំងភ្នំពេញក្រោនផងនោះ។
និយាយពីការស៊ុតហ្វ្រីឃីករបស់ Yudai Ogawa វិញ មួយគ្រាប់នោះគឺពិតជាល្អមែន ប៉ុន្តែមុនសម្រេចមួយគ្រាប់នេះ ខ្សែបម្រើប្រយុទ្ធឆ្នើមម្នាក់នេះ ស៊ុតហ្វ្រីឃីកបុកបង្គោលទីម្ដង និងបុករបាំងការពារម្ដងមកហើយ៕