ប្រកួតក្នុងទ្រុងរបស់ រិន សារ័ត្ន លើកនេះនឹងល្អមើល ព្រោះដៃគូខ្លាំងសេរីដូចគ្នា
- 2018-03-05 08:47:04
- ចំនួនមតិ 0 | ចំនួនចែករំលែក 0
ប្រកួតក្នុងទ្រុងរបស់ រិន សារ័ត្ន លើកនេះនឹងល្អមើល ព្រោះដៃគូខ្លាំងសេរីដូចគ្នា
ចន្លោះមិនឃើញ
ការជួបប្រទះគ្នារវាងជើងខ្លាំងកម្ពុជា រិន សារ័ត្ន ជាមួយកីឡាករម្ចាស់ផ្ទះម៉ាឡេស៊ី Muhammad Aiman ក្នុងព្រឹត្តិការណ៍ One Championship នៅថ្ងៃទី ៩ ខែ មីនា ឆ្នាំ ២០១៨ នឹងក្លាយជាជំនួបជក់ចិត្ត។
សារ័ត្ន ទទួលបានឱកាសជាថ្មីក្នុងឆ្នាំនេះលើសង្វៀនក្នុងទ្រុងល្បី One ក្រោយធ្វើមិនបានល្អកាលពីខែ មករាកន្លងទៅ ចាញ់កីឡាករឥណ្ឌូណេស៊ី Sunoto ក្នុងទឹកទីពីរ។ សិស្សគុនក្នុងក្លឹប Cambodian Top Team ធ្លាប់ប្រកួតក្នុងទ្រុងធ្លាប់ចូលវាយក្នុងសង្វៀនមួយនេះ២ដងរួចមកហើយ ក្នុងនោះចាញ់១ ឈ្នះ និងឆ្លងកាត់សង្វៀនគុនខ្មែរជាង១០០ដង។
សារ័ត្ន ក៏មិនខុសពីកីឡាករខ្មែរដទៃ គឺខ្លាំងផ្នែកវាយសេរី ត្បិតហាត់ក្បាច់ MMA ខ្លះដ៏ដោយ។ ដូច្នេះការជួបជាមួយ Muhammad Aiman ជារឿងល្អ ព្រោះអ្នកប្រយុទ្ធវ័យក្មេងរូបនេះខ្លាំងសេរីដូចគ្នា។ កីឡាករវ័យ២៣ឆ្នាំ មានបទពិសោធន៍ក្នុងទ្រុង One ច្រើនជាងសារ័ត្ន ពោល៤ដង ឈ្នះ៣ ចាញ់តែម្ដងគត់។ ប្រកួតចុងក្រោយឈ្នះកីឡាករចិន Yang Fei នៅប្រទេសសិង្ហបុរី ខែ កញ្ញា ឆ្នាំ ២០១៧។
មូលហេតុដែរ Muhammad ពូកែសរី ដោយសារគេធ្លាប់ហ្វឹកហាត់នៅក្លឹបល្បី Tiger Muay Thai នៅកោះភូកេត ប្រទេសថៃ។ ប៉ុន្តែបច្ចុប្បន្នរូបគេកំពុងសម្ងំហាត់នៅក្លឹប Bali MMA ប្រទេសឥណ្ឌូណេស៊ី។ រាល់ការប្រកួតរបស់កីឡាករម៉ាឡេស៊ីរូបនេះ កម្រនឹងរូបចាប់ឱកាសណាស់ប្រសិនដៃគូមិនចាប់គេមុន ភាគច្រើនវាយសេរីទល់មុខតែម្ដង។ ទាំងសារ័ត្ន និង Muhammad ល្អសេរីដូចគ្នា អ៊ីចឹងការប្រកួតនៅថ្ងៃខាងមុខធានាថាល្អមើល។
កាលពីព្រឹកមិញ រិន សារ័ត្ន និងលោកគ្រូ ហ៊ុន ចាន់រាជ្យ បានចេញដំណើរទៅប្រទេសម៉ាឡេស៊ីហើយ ដើម្បីត្រៀមខ្លួនប្រកួត៕
ការប្រកួតចុងក្រោយរបស់ Muhammad