បែកធ្លាយ! Angelina Jolie និង Brad Pitt កំពុងត្រួសត្រាយវិលមកត្រូវគ្នាវិញ?

2018-03-05 12:04:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រេះស្រាំនៃចំណងអាពាហ៍ពិពាហ៍របស់កំពូលតារាហូលីវូដ Angelina Jolie និង Brad Pitt បានធ្វើឲ្យបណ្ដាអ្នកគាំទ្រខកចិត្តយ៉ាងខ្លាំង ព្រោះគូស្វាមីភរិយាមួយគូនេះគឺគូស្នេហ៍ដ៏សមគ្នាបំផុតក្នុងពិភពតារាហូលីវូដ។ ទោះយ៉ាងណា ថ្មីៗនេះ មានការបែកធ្លាយថា អតីតស្វាមីភរិយាតារាហូលីវូដនេះនឹងវិលត្រលប់មកត្រូវគ្នាវិញ។

បើតាមប្រភពអនាមិកមួយបានទម្លាយថា កំពូលតារាសម្ដែង Angelina និងអតីតស្វាមី Brad Pitt កំពុងព្យាយាមកែតម្រូវកំហុសឆ្គងក្នុងចំណងអាពាហ៍ពិពាហ៍កន្លងមក ។ ប្រភពដដែលបង្ហើបឲ្យដឹងទៀតថា ឥលូវនេះអ្នកទាំងពីរកំពុងស្ថិតនៅលើវិថីវិលត្រលប់មកត្រូវគ្នាវិញហើយ។ ថ្មីៗនេះ ដំណើរការផ្លូវច្បាប់លើការលែងលះក៏ត្រូវបានបញ្ឈប់។ នេះបើតាមការអះអាងរបស់ប្រភពអនាមិកនោះ។

បើអញ្ចឹងមែន នេះគឺជាសញ្ញាដ៍ល្អបង្ហាញថា Agelina Jolie និង Brad Pitt ផ្លាស់ប្ដូរចិត្ត មិនលែងលះគ្នាទេ។

គួររំលឹកផងដែរថា កំពូលតារាហូលីវូដ Angelina Jolie និង Brad Pitt បានប្រកាសបែកគ្នានៅខែកញ្ញា ឆ្នាំ២០១៦។

ប្រភព៖ Therichest ប្រែសម្រួល៖ ម៉េង សុខហួយ