ចេញតួលេខប្រទេសអាស៊ាន ក្នុងនោះមានកម្ពុជាយើងដែរ ដែលបានចំណាយសន្ធឹកសន្ធាប់លើវិស័យយោធា
- 2018-03-05 13:04:56
- ចំនួនមតិ 0 | ចំនួនចែករំលែក 0
ចេញតួលេខប្រទេសអាស៊ាន ក្នុងនោះមានកម្ពុជាយើងដែរ ដែលបានចំណាយសន្ធឹកសន្ធាប់លើវិស័យយោធា
ចន្លោះមិនឃើញ
វិស័យយោធាគឺជាវិស័យយ៉ាងសំខាន់សម្រាប់បណ្ដាប្រទេសជាច្រើនលើពិភពលោក ព្រោះវិស័យនេះធានាដល់សន្តិសុខជាតិ និងការពារជាតិពីការឈ្លានពានណាមួយពីសំណាក់បរទេស។ ស្របក្នុងន័យនេះ អត្ថបទនឹងបង្ហាញពីតួលេខនៃការចំណាយលើវិស័យនេះនៅឆ្នាំ ២០១៦ នៅតាមបណ្ដាប្រទេសនៅក្នុងសមាគមប្រជាជាតិអាស៊ីអាគ្នេយ៍ (អាស៊ាន) ដោយយោងតាមរបាយការណ៍ចុះផ្សាយនៅឆ្នាំ ២០១៧ ដោយវិទ្យាស្ថាន ស្រាវជ្រាវដើម្បីសន្តិភាពអន្តរជាតិ Stockholm (SIPRI) ដែលជាស្ថាប័នស្រាវជ្រាវដ៏ល្បីឈ្មោះមានមូលដ្ឋាននៅប្រទេសស៊ុយអែត មានដូចតទៅ៖
៨.ប្រទេសកម្ពុជា៖ ៣៦១ លានដុល្លារសហរដ្ឋអាមេរិក។
៧.ប្រទេសប្រ៊ុយណេ៖ ៤០៥ លានដុល្លារសហរដ្ឋអាមេរិក។
៦.ប្រទេសហ្វីលីពីន៖ ៣,៩៩ ប៊ីលាន (ពាន់លាន) ដុល្លារសហរដ្ឋអាមេរិក។
៥.ប្រទេសម៉ាឡេស៊ី៖ ៤,២៩៥ ប៊ីលាន ដុល្លារសហរដ្ឋអាមេរិក។
៤.ប្រទេសវៀតណាម៖ ៥,០០៥ ប៊ីលាន ដុល្លារសហរដ្ឋអាមេរិក។
៣.ប្រទេសថៃ៖ ៦,០៤៧ ប៊ីលាន ដុល្លារសហរដ្ឋអាមេរិក។
២.ប្រទេសឥណ្ឌូណេស៊ី៖ ៧,៧៨៣ ប៊ីលាន ដុល្លារសហរដ្ឋអាមេរិក។
១.ប្រទេសសិង្ហបុរី៖ ៩,៩៨៦ ប៊ីលាន ដុល្លារសហរដ្ឋអាមេរិក។
ដោយឡែក បើតាមរបាយការណ៍ដដែល មិនមានទិន្នន័យស្ដីពីការចំណាយយោធា នៅឆ្នាំ ២០១៦ របស់ប្រទេសអាស៊ានពីរទៀត គឺមីយ៉ាន់ម៉ា (ភូមា) និងឡាវឡើយ។ ទោះជាយ៉ាងណា SIPRI បានបង្ហាញឲ្យដឹងថា មីយ៉ាន់ម៉ាបានចំណាយ ៣,៧៥៦ ប៊ីលានដុល្លារសហរដ្ឋអាមេរិក លើវិស័យ យោធាកាលពី ឆ្នាំ ២០១៥។ ឯឡាវ ចំណាយលើយោធា ២៣,១ លានដុល្លារប៉ុណ្ណោះនៅឆ្នាំ ២០១៣។
សូមបញ្ជាក់ផងដែរថា ទិន្នន័យខាងលើ គិតតាមអត្រាប្ដូរប្រាក់ឆ្នាំ ២០១៥៕