ក្ដៅៗ! ដឹងម៉ោង Ryan Giggs មកដល់កម្ពុជាថ្ងៃសុក្រនេះហើយ ថែមទាំងមានអ្នកគាំទ្រពិសេសចាំទទួលទៀត
- 2018-03-06 04:16:51
- ចំនួនមតិ 0 | ចំនួនចែករំលែក 0
ក្ដៅៗ! ដឹងម៉ោង Ryan Giggs មកដល់កម្ពុជាថ្ងៃសុក្រនេះហើយ ថែមទាំងមានអ្នកគាំទ្រពិសេសចាំទទួលទៀត
ចន្លោះមិនឃើញ
អតីតកីឡាករលំដាប់ពិភពលោក Ryan Giggs នឹងមកដល់កម្ពុជានៅថ្ងៃសុក្រសប្ដាហ៍នេះ វេលាម៉ោង៨:៤៥នាទីយប់តាមច្រកទ្វា VIP។
ទន្ទឹមនឹងការមកដល់នេះដែរ ខាងក្រុមហ៊ុន Tiger បានរៀបចំជ្រើសរើសអ្នកគាំទ្រពិសេស៥០នាក់ដើម្បីរង់ចាំទទួលដំណើរមកដល់របស់វិរបុរសក្រុមបិសាចក្រហមម្នាក់នេះ។ ក្នុងដំណើរមកកម្ពុជានេះដែរ Giggs នឹងស្នាក់នៅចាប់ពីថ្ងៃទី៩ដល់១១ខែមីនាឆ្នាំ២០១៨នេះ នៅសណ្ឋាគារ Sofitel Phnom Penh ។ បុរសដែលធ្លាប់ធ្វើជាគ្រូបង្វឹកបណ្ដោះអាសន្ននៅក្រុម Manchester United រូបនេះ នឹងចូលរួមសកម្មភាពជាច្រើនអំឡុងពេលនៅកម្ពុជានេះ ហើយនឹងមានវត្តមាននៅប្រកួត Tiger Street Football Festival 2018 វគ្គផ្ដាច់ព្រ័ត្រផងដែរ។
បុរសវ័យ៤៤ឆ្នាំរូបនេះជា brand ambassador របស់ក្រុមហ៊ុន Tiger ហើយបច្ចុប្បន្នក្រោយពីបញ្ចប់អាជីពជាកីឡាករបាល់ទាត់ជាមួយក្រុមបិសាចក្រហម លោកបានកាន់តំណែងជាគ្រូបង្វឹករបស់ជម្រើសជាតិវែល។ ក្នុងអាជីពជាកីឡាករដែលលេងឱ្យ Man Utd តែ១ក្លឹបគត់នោះ លោកបង្ហាញខ្លួនបាន៦៧២ប្រកួត និងរកគ្រាប់បាល់បាន១១៤គ្រាប់ ឈ្នះពាន៣៤ពានរង្វាន់។
អតីតកីឡាករសញ្ជាតិវែលរូបនេះ គឺជាមនុស្សសុភាពបំផុត ពោលគឺក្នុងអាជីពជាកីឡាករបាល់ទាត់នេះ លោកមិនដែលស្គាល់កាតក្រហមម្ដងណាឡើយ។ លើសពីនេះទៀត Giggs ក៏ជាប់ឈ្មោះជាកីឡាករដែលមានគេគោរពស្រលាញ់ មិនមានអ្នកស្អប់ម្នាក់ផងដែរ៕