ព្រលប់នេះ បឹងកេត វាយបកយកឈ្នះក្រុមខ្លាំងសិង្ហបុរីមិនគួរឲ្យជឿ
- 2018-03-06 13:53:08
- ចំនួនមតិ 0 | ចំនួនចែករំលែក 0
ព្រលប់នេះ បឹងកេត វាយបកយកឈ្នះក្រុមខ្លាំងសិង្ហបុរីមិនគួរឲ្យជឿ
ចន្លោះមិនឃើញ
ក្រោយបរាជ័យផ្ទួននៅពីរប្រកួតមុន នៅថ្ងៃនេះក្រុមបឹងកេតអង្គរធ្វើបានយ៉ាងល្អក្នុងការប្រកួតលើកទី៣ក្នុងយុទ្ធនាការណ៍ជម្រុះពានរង្វាន់ AFC Cup 2018 ក្នុងពូល F ដោយបានយកឈ្នះក្រុមខ្លាំងរបស់សិង្ហបុរី Home United ក្នុងការប្រកួតទើបចប់មុននេះ។
ជាលទ្ធផលបច្ចេកទេស ក្រុមខ្លាំងកម្ពុជាឈ្នះក្នុងលទ្ធផល ៣ ទល់ ២ ជាមួយ Home United។ នៅក្នុងការប្រកួតនេះ ក្រុមសិង្ហបុរីរកគ្រាប់បាល់បាន១គ្រាប់មុននៅនាទីទី២ ដោយកីឡាករ Song Ui-Young។ ប៉ុន្តែ ៣០ បន្តមក គឺជានាទីរបស់ក្រុមខ្លាំងកម្ពុជាដែលអាចរកគ្រាប់បាល់បានដល់ទៅ ៣គ្រាប់ ក្នុងនោះ Maycon រកបាននាទី១២ និងទី៤១ និងកីឡាករ Samuel រកបាន១គ្រាប់ដែរនៅនាទី ១៣ ពោលគឺក្រោយគ្រាប់ទី១របស់ Maycon តែបន្តិចប៉ុណ្ណោះ។
ក្រោយត្រូវក្រុមកម្ពុជានាំមុខ ក្រុមខ្លាំងបរទេសមួយនេះ បានវាយសម្រុកវិញ រហូតរកបានគ្រាប់ទី២របស់ខ្លួននៅនាទីទី ៦៧ ដោយកីឡាករ Faritz Hameed។ នាទីនៅសល់ មិនមានក្រុមណាអាចរកបានគ្រាប់បន្ថែមទៀតទេ។ ដូច្នេះចប់ ៩០នាទី ក្រុមខ្លាំងកម្ពុជា ឈ្នះក្នុងលទ្ធផល ៣ ទល់ ២ ជាមួយ Home United។
រហូតដល់ពេលនេះ បឹងកេតបានឈ្នះ១ប្រកួតវិញហើយ ក្នុង៣ប្រកួតរបស់ខ្លួនក្នុងពូល F នៃពានរង្វាន់ AFC Cup 2018។ ប្រកួតលើកទី១ ក្រុមកម្ពុជា ចាញ់ក្រុម Ceres Negros ចាស់ដៃក្នុងលទ្ធផល ៩-០ នៅទឹកដីប្រទេសហ្វីលីពីន និងលើកទី២ចាញ់ក្រុម Shan United របស់មីយ៉ាន់ម៉ាដោយលទ្ធផល ២-១ ទៀតនៅទឹកដីរបស់ខ្លួន មុនពេលវាយបកយកឈ្នះក្រុមមកពីប្រទេសសិង្ហបុរីនៅថ្ងៃនេះ៕