ភ្នំពេញ មណ្ឌលជក់ចិត្តបំផុតរបស់ Tiger Street នឹងចាប់ផ្ដើមប្រកួតស្អែកនេះ
- 2018-03-06 10:17:13
- ចំនួនមតិ 0 | ចំនួនចែករំលែក 0
ភ្នំពេញ មណ្ឌលជក់ចិត្តបំផុតរបស់ Tiger Street នឹងចាប់ផ្ដើមប្រកួតស្អែកនេះ
ចន្លោះមិនឃើញ
ភ្នំពេញជាមណ្ឌលដែលពោរពេញទៅដោយក្រុមខ្លាំងៗ ក្នុងព្រឹត្តិការណ៍ Tiger Street Football Festival 2018 ហើយក្រុមទាំង១១៦នឹងធ្វើការប្រកួតគ្នាចាប់ពីម៉ោង៧ព្រឹកស្អែកនេះតទៅហើយនៅមុខបរិវេណសាលមហោស្រពកោះពេជ្រ។
នេះជាមណ្ឌលចុងក្រោយនៃព្រឹត្តិការណ៍ខាងលើ មុនពេលឈានចូលដល់ការប្រកួតផ្ដាច់ព្រ័ត្រទូទាំងប្រទេសនៅថ្ងៃទី១០-១១ខែមីនាឆ្នាំ២០១៨នេះ។ នៅមណ្ឌលភ្នំពេញក្រុមទាំង១១៦នឹងត្រូវធ្វើការប្រកួតរហូតដល់ទៅ៣ថ្ងៃឯណោះ ទើបអាចស្វែងរក១២ឈានទៅវគ្គផ្ដាច់ព្រ័ត្រទូទាំងប្រទេសបាន។ ខណៈដែលក្រុមចូលរួមទាំងអស់សុទ្ធតែជាក្រុមខ្លាំង ពោរពេញដោយបទពិសោធលើការប្រកួតលក្ខណៈ Futsal លើក្ដារនេះ។
ក្រុមដែលល្បីៗចុះឈ្មោះប្រកួតនៅមណ្ឌលភ្នំពេញនេះរួមមាន ដូនពេញ Home Sport FC Pisnoka FC Daniel FC Victory Youth FC (ក្រុមការពារតំណែងជើងឯក) អាណាចក្របៃតង ឆន្ទៈកីឡា និងក្រុម Rolling FC ជាដើម។ អ្វីដែលធ្វើឱ្យអ្នកគាំទ្រកាន់តែចាប់អារម្មណ៍ក្នុងការប្រកួតមណ្ឌលនេះមួយទៀតនោះ គឺពួកគេអាចនឹងបានឃើញបច្ចេកទេសពីកីឡាករបរទេស ព្រោះថាក្រុមនៅភ្នំពេញភាគច្រើនតែងតែមានលាយកីឡាករបរទេសជានិច្ច។
ចំពោះប្រាក់រង្វាន់សម្រាប់មណ្ឌលនេះវិញ ក្រុមលេខ១បាន១៥០០ដុល្លារ លេខ២បាន១០០០ដុល្លារ លេខ៣បាន៥០០ដុល្លារនិងក្រុមលេខ៤បាន២០០ដុល្លារ។ ការប្រកួតជ្រើសយក១២ក្រុមឡើងទៅវគ្គផ្ដាច់ព្រ័ត្រ ដណ្ដើមប្រាក់រង្វាន់ធំទូទាំងប្រទេស ១៥ ០០០ដុល្លារ និងបានថតរូបជាមួយវីរបុរសក្រុមបិសាចក្រហម Manchester United ថែមទៀត៕