Mark Zuckerberg ជាសេដ្ឋីពិតមែន តែកុំគិតថាជីវិតលោកហ៊ឺហាដូចអ្នកគិតឲ្យសោះ
- 2018-03-07 02:39:53
- ចំនួនមតិ 0 | ចំនួនចែករំលែក 0
Mark Zuckerberg ជាសេដ្ឋីពិតមែន តែកុំគិតថាជីវិតលោកហ៊ឺហាដូចអ្នកគិតឲ្យសោះ
ចន្លោះមិនឃើញ
សេដ្ឋីវ័យ ៣៣ ឆ្នាំ Mark Zuckerberg ត្រូវបានគេស្គាល់ជាស្ថាបនិកជោគជ័យមួយរូប ក្នុងការបង្កើតបណ្ដាញសង្គមយក្ស Facebook។ បើនិយាយពីទម្លាប់រស់នៅប្រចាំថ្ងៃ នៃបុរសសញ្ជាតិអាមេរិករូបនេះ ក៏ដូចជាមនុស្សសាមញ្ញឯទៀត។
ថ្លែងប្រាប់ Jerry Seinfeld ក្នុងកម្មវិធី Facebook Live Q&A លោក Mark ធ្លាប់បញ្ជាក់គាត់រមែងងើបម៉ោង ៨ ព្រឹក ហើយឆ្លៀតឆែកមើល Facebook, Messenger និង WhatsApp លើទូរសព្ទគាត់។
ក្រោយឆែករឿងរ៉ាវមួយចំនួនចប់រួចរាល់ គាត់ឆ្លៀតចេញទៅខាងក្រៅហាត់ប្រាណ ដោយយ៉ាងតិច ៣ ដងក្នុងមួយសប្តាហ៍។
ពេលខ្លះគាត់ច្រើនយកកូនឆ្កែ Beast ទៅជាមួយ ដោយមេធំខាងបច្ចេកវិទ្យាថាការដែលធ្វើបែបនេះ ជំរុញឲ្យមានអារម្មណ៍សប្បាយរីករាយបំផុត។
ក្រោយហាត់ប្រាណចប់ Mark មិនខ្វល់ច្រើនទេរឿងអាហារពេលព្រឹក ដោយថ្ងៃនោះគាត់ចង់អ្វី គឺបរិភោគហ្នឹងយកតែម្តង (ទម្លាប់មិនចូលចិត្តចំណាយពេលច្រើន លើការសម្រេចចិត្តតូចតាច)។
មិនខុសពីទម្លាប់ប្រើសំលៀកបំពាក់ដដែលរាល់ថ្ងៃ ដោយឈុតធ្វើការរបស់ Zuckerberg ក៏មានខោខោវប៊យ, ស្បែកជើងប៉ាតា អមអាវដៃខ្លីពណ៌ប្រផេះ។ ឆ្លើយឆ្លងជុំវិញរឿងនេះកាលឆ្នាំ ២០១៤ គាត់ប្រាប់ទៅមហាជន "ខ្ញុំចង់ឲ្យជីវិតមួយនេះមានការសម្រេចចិត្តតិចបំផុតតាមដែលអាចធ្វើទៅបាន"។
គាត់ធ្វើការប្រហែល ៥០ ទៅ ៦០ ម៉ោងក្នុងមួយសប្តាហ៍នៅ Facebook “ខ្ញុំចំណាយពេលច្រើនបំផុតដើម្បីរកមធ្យោបាយភ្ជាប់ពិភពលោកមួយនេះ ឲ្យមានទំនាក់ទំនងកាន់តែប្រសើរឡើង ប៉ុន្តែភាគច្រើនមិនស្ថិតក្នុងពេលបម្រើការនៅការិយាល័យ ឬអង្គប្រជុំនោះទេ"។
បុគ្គលិកជំនិត ១២ រូបនៅពីក្រោយគាត់ ដែលអង្គុយចាំលុប Comment និង Post ខុសគោលការណ៍លើទំព័រ Facebook របស់លោក Mark។
សម្រាកពីការងារ គាត់ចំណាយពេលរៀនភាសាចិនកុកងឺ ហើយទម្លាប់អានសៀវភៅថ្មីយ៉ាងតិច ១ ក្បាលរៀងរាល់ ២ សប្តាហ៍។
គាត់ក៏ចំណាយពេលមួយចំនួន ធ្វើដំណើរកម្សាន្តជាមួយក្រុមគ្រួសារ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: