ចូលពេទ្យអស់ ៣ នាក់ ដោយសារដើរបុកផ្ទាំងកញ្ចក់នៅក្រុមហ៊ុន Apple

2018-03-06 11:42:58
ចំនួនមតិ 0 | ចំនួនចែករំលែក 0

ចន្លោះមិនឃើញ

បុគ្គលិកបម្រើការនៅទីស្នាក់ការថ្មីរបស់ Apple បានជួបគ្រោះចៃដន្យដើរបុកផ្ទាំងកញ្ចក់ជាបន្តបន្ទាប់ ហើយមកទល់ពេលនេះ យ៉ាងតិចបុគ្គលិក ៣ រូបកំពុងស្ថិតក្នុងលក្ខខណ្ឌសង្គ្រោះបន្ទាន់។ ផ្អែកតាមកាសែតប្រចាំតំបន់ San Francisco Chronicle បានបង្ហើបថាពួកគេត្រូវបានឡានពេទ្យមកដឹកយកភ្លាមៗ ក្រោយជួបករណីដើរបុកផ្ទាំងកញ្ចក់យ៉ាងធ្ងន់ធ្ងរ។

រូបតំណាងផ្ទាំងកញ្ចក់នៅទីស្នាក់ការថ្មី Apple

តាមការបង្ហើបប្រាប់ ថ្វីបើកញ្ចក់ដែលបំពាក់ក្នុងការិយាល័យមានតម្លៃថ្លៃ អមការរចនាល្អឥតខ្ចោះប៉ុន្តែក៏ធ្វើឲ្យមនុស្សជាច្រើនដល់ថ្នាក់ភ័ន្តច្រឡំថាទីនោះពុំមានផ្ទាំងកញ្ចក់។ ដោយមុននេះបន្តិចបុគ្គលិកខ្លះ ក៏ប្រើក្រដាសយកទៅបិទសម្គាល់ តែក្រោយមកត្រូវបញ្ជាឲ្យដកចេញវិញ តាមហេតុផលបង្កឲ្យមានភាពរញ៉េរញ៉ៃក្នុងក្រុមហ៊ុន។

ជុំវិញបញ្ហានេះ អនុប្រធានផ្នែកអភិវឌ្ឍ និងអចលនទ្រព្យលោក Dan Whisenhunt បានមានប្រសាសន៍ថា៖ "ក្នុងក្រុមហ៊ុន បានជួបរឿងហេតុមនុស្សដើរទៅបុកផ្ទាំងកញ្ចក់ ហើយនោះក៏ជាបញ្ហាចម្បងដែលយើងកំពុងព្យាយាមដោះស្រាយ"។