Ronaldo វិះត្រូវមួយដបទឹក ក្រោយស៊ុតចូលគ្រាប់ទី១
- 2018-03-07 02:21:46
- ចំនួនមតិ 0 | ចំនួនចែករំលែក 0
Ronaldo វិះត្រូវមួយដបទឹក ក្រោយស៊ុតចូលគ្រាប់ទី១
ចន្លោះមិនឃើញ
បន្ទាប់ពីបើកឆាករកគ្រាប់បាល់នៅកីឡដ្ឋាន Parc des Princes ខ្សែប្រយុទ្ធរបស់ Real Madrid កីឡាករ Cristiano Ronaldo ស្ទើរតែត្រូវមួយដប ពីសំណាក់អ្នកគាំទ្ររបស់ PSG។
ហេតុការណ៍កើតឡើងពេលកីឡាករព័រទុយហ្គាល់ ទាត់ចូលគ្រាប់ទីមួយ ក្នុងជ័យជម្នះ ២-១ បន្ទាប់មកក៏បានរត់ទៅអបអរគ្រាប់បាល់នៅមុខអ្នកគាំទ្ររបស់ PSG ដែលកំពុងតែឈរ។ ភ្លាមនោះស្រាប់តែមានដបទឹកមួយហោះមកស្ទើរតែត្រូវក្បាលរបស់ Ronaldo ទៅហើយ។
រូបភាព ដបហោះកាត់ក្បាលរបស់ CR7 ត្រូវបានថតជាប់ដោយវិបសាយ realmadrid.com។ យ៉ាងណាគ្រាប់បាល់របស់ Ronaldo ក្នុងការប្រកួតយប់មិញ បានធ្វើឲ្យគេក្លាយជាកីឡាករទីពីរដែលអាចរកបានគ្រាប់បាល់៩ប្រកួតជាប់គ្នានៅ UCL បន្ទាប់ពី Ruud van Nistelrooy ធ្លាប់ធ្វើបាននៅរវាងឆ្នាំ២០០២និង២០០៣៕