ឡើងកូដមួយរយៈ Sterling ដូរឡានសរុបជាង១លានផោន
- 2018-03-07 07:59:41
- ចំនួនមតិ 0 | ចំនួនចែករំលែក 0
ឡើងកូដមួយរយៈ Sterling ដូរឡានសរុបជាង១លានផោន
ចន្លោះមិនឃើញ
Raheem Sterling កំពុងឡើងកូដខ្លាំងចាប់តាំងចាកចេញពី Liverpool ទៅ Manchester City កាលពីឆ្នាំ២០១៥។ ការផ្ទេរពេលនោះកីឡាករសញ្ជាតិអង់គ្លេសមានតម្លៃខ្លួន៥០លានផោន ជាតម្លៃថ្លៃបំផុតមួយក្នុងនាមជាខ្សែបម្រើ។
ចាប់ផ្ដើមអាជីពពីថ្នាលយុវជន Liverpool ដែលលោក Rafael Benitez ទិញពី Queens Park Rangers យុវជន Sterling បានវិវត្តន៍ខ្លួនយ៉ាងរហ័សទៅក្នុងឈុតធំហង្សក្រហម ហើយក្រោយមកក៏ត្រូវ Manchester City ឆក់យក។
នៅក្លឹបអ្នកមានអង់គ្លេសតារាឆ្នើមវ័យ២៣ឆ្នាំ ទទួលថ្លៃនឿយហត់កប់ពពកគឺ ២សែនផោនក្នុង១សប្ដាហ៍ ដែលចំណូលដ៏ច្រើននេះធ្វើឲ្យរូបគេមិនញញើតនឹងចំណាយលើសម្ភារៈទំនើបៗពិសេសគឺរថយន្តតែម្ដង។ ត្រឹមរយៈពេលខ្លី គេឃើញ Sterling បានប្ដូររថយន្តច្រើនប្រភេទ សុទ្ធសឹងជារថយន្តថ្លៃ និងទំនើប។
រថយន្តកន្លងមករបស់ខ្សែបម្រើស្បែកខ្មៅល្បឿនលឿន មានដូចជា Range Rover, Bentley, Smart car, Mercedes G Class, Audi A7 Sportback, Mercedes-Benz C 63 AMG និង Porsche ជាដើម៕