Pep ថា Man City នៅតង់ទី២ ភ្លេចលេងប្រយុទ្ធគិតតែបោះឱ្យគ្នា ទើបចាញ់ Basel
- 2018-03-08 02:13:19
- ចំនួនមតិ 0 | ចំនួនចែករំលែក 0
Pep ថា Man City នៅតង់ទី២ ភ្លេចលេងប្រយុទ្ធគិតតែបោះឱ្យគ្នា ទើបចាញ់ Basel
ចន្លោះមិនឃើញ
ក្រុម Manchester City បានបរាជ័យ ២-១ ក្នុងជើងទី២នេះ ក្នុងពានរង្វាន់ UEFA Champions League ប៉ុន្តែពួកគេនៅតែអាចទៅវគ្គបន្ដបាន ព្រោះឈ្នះកាលជើងទី១ ក្នុងលទ្ធផល ៤-០ ទៅហើយ។
ចាញ់យប់មិញគឺជាបរាជ័យទី៤ក្នុងរដូវកាលនេះរបស់ Man City ប៉ុន្តែវាជាប្រវត្តិសាស្ត្រថ្មីមួយសម្រាប់ក្រុមនៅអង់គ្លេសមួយនេះ ព្រោះវាជាការឈានដល់វគ្គ៨ក្រុមចុងក្រោយ ជាលើកទី២ក្នុងពានរង្វាន់ធំជាងគេនៅអឺរ៉ុបមួយនេះ។ ដូច្នេះលោក Pep អ្នកចាត់ការក្រុមអ្នកមាននៅអង់គ្លេស គិតថាវាជារឿងល្អទៅវិញ ទោះជាចាញ់យប់មិញក៏ដោយ។
“ខ្ញុំសប្បាយចិត្តព្រោះយើងបានបង្កើតប្រវត្តិសាស្ត្រមួយសម្រាប់ក្រុម។ ការប្រកួតយប់មិញ យើងធ្វើមិនបានល្អ ក្នុងតង់ទី ២ យើងដូចជាភ្លេចលេងប្រយុទ្ធ ដោយកីឡាករគ្រាន់តែបោះបាល់ឱ្យគ្នា មិនសម្រុកទៅមុខសោះ។ ក្នុងតង់ទី២នេះ សម្រាប់ខ្ញុំផ្ទាល់គឺពិតជាអន់ អន់ខ្លាំងណាស់”។ សម្ដីអ្នកចាត់ការប្រាក់ចំណូលខ្ពស់នៅអង់គ្លេស៕