Firmino ចង់ឲ្យ Liverpool ប៉ះក្រុមអង់គ្លេសនៅវគ្គ៨ក្រុមព្រោះមូលហេតុមួយ

2018-03-09 01:47:56
ចំនួនមតិ 0 | ចំនួនចែករំលែក 0

ចន្លោះមិនឃើញ

Roberto Firmino សង្ឃឹមថា Liverpool នឹងចាប់ឆ្នោតប៉ះក្រុមមកពីអង់គ្លេសដូចគ្នានៅវគ្គ៨ក្រុមចុងក្រោយ UEFA Champions League។

Firmino

ក្រុមរហស្សនាមថាហង្សក្រហមបានឆ្លងផុតវគ្គ១៦ក្រុមស្រួលៗក្រោយឈ្នះ Porto ក្រៅដី ៥-០ និងស្មើ ០-០ នៅទឹកដីខ្លួនឯងធ្វើឲ្យពួកគេឡើងទៅវគ្គ៨ក្រុមលើកដំបូងគិតចាប់ពីឆ្នាំ២០០៩មក។

មុនការចាប់ឆ្នោតមកដល់ Firmino បានបង្ហាញទស្សនៈផ្ទាល់ខ្លួនចង់ប៉ះក្រុមមកពីអង់គ្លេស ជាងក្រុមមកពីលីគផ្សេងទៀត។ “ពិតណាស់ ពួកយើងចង់ប៉ះក្រុមអង់គ្លេសនៅវគ្គ៨ក្រុម។ កំណត់ត្រាកន្លងមកនៅពានអឺរ៉ុប Liverpool ធ្វើបានល្អជាមួយក្រុមអង់គ្លេស (ទម្លាក់ Arsenal, Chelsea នៅ UCL និង Man Utd នៅ Europa)"។

"ទោះពួកយើងធ្លាប់មានប្រវត្តិខ្លាំងទល់ក្រុមអង់គ្លេស តែមិនមែនមានន័យថា Liverpool ខ្លាចញញើតក្រុមណាមួយឡើងនៅវគ្គនេះ"។ តារាឆ្នើមសញ្ជាតិប្រេស៊ីលនិយាយដូច្នេះ។ មានក្រុម Premier League ២ហើយឡើងវគ្គ៨ក្រុមគឺ Liverpool និង Man City ខណៈ Spurs ត្រូវធ្លាក់។ ២ក្រុមទៀតមាន Man United និង Chelsea ត្រូវលេងសប្ដាហ៍ក្រោយ៕