សិង្ហបុរី បានសិទ្ធិធ្វើម្ចាស់ផ្ទះលើកដំបូងរៀបចំជើងឯក E-Sport អាស៊ាន
- 2018-03-09 04:22:57
- ចំនួនមតិ 0 | ចំនួនចែករំលែក 0
សិង្ហបុរី បានសិទ្ធិធ្វើម្ចាស់ផ្ទះលើកដំបូងរៀបចំជើងឯក E-Sport អាស៊ាន
ចន្លោះមិនឃើញ
ដោយទទួលស្គាល់ពីភាពលេចធ្លោនៃហ្គេមអនឡាញក្នុងចំណោមយុវវ័យ ប្រទេសសិង្ហបុរីនឹងធ្វើជាម្ចាស់ផ្ទះលើកដំបូងក្នុងកម្មវិធីប្រកួតកីឡា E-Sport អាស៊ាន ដែលត្រូវរៀបចំនៅមជ្ឈមណ្ឌលកីឡាSingapore Sports Hub។
លោក Baey Yam Keng អគ្គលេខាធិការសភា វប្បធម៌ សហគមន៍ និងយុវជនបានប្រាប់ថាកាលពីម្សិលមិញថា កម្មវិធីប្រកួតខាងលើនឹងធ្វើឡើងនៅសប្ដាហ៍ដំបូងក្នុងខែ សីហា ឆ្នាំ ២០១៨។ ការកើនឡើងខ្ពស់នៃប្រជាប្រិយភាព និងពេញនិយមក្នុងចំណោមយុវវ័យ កីឡាអេឡិចត្រូនិក ( E-Sport) កំពុងមានសក្ដានុពលយ៉ាងខ្លាំង ក៏ជាមធ្យោបាយថ្មី ដើម្បីផ្សារភ្ជាប់ទំនាក់ទំនងយុវជនក្នុងតំបន់អាស៊ាន តាមរយៈការចែករំលែកបទពិសោធន៍នៃកម្មវិធីប្រកួត ក៏ជាកីឡា និងជាភាពរីករាយផងដែរ។
ជាការពិតកីឡាអេឡិចត្រូនិក ( E-Sport) កំពុងតែដើរទៅមុខ ហើយវានឹងបង្ហាញខ្លួនក្នុង ព្រឹត្តិការណ៍កីឡាធំបំផុតគឺ កីឡាទ្វីបអាស៊ី ឬ Asian Games លើកទី១៨ ដែលរៀបចំនៅ ទីក្រុងហ្សាការតា ប្រទេសឥណ្ឌូណេស៊ី។ ហើយគណៈកម្មាធិការអូឡាំពិកអន្តរជាតិក៏កំពុងស្វែងយល់បន្ថែម ដើម្បីដាក់ កីឡាE-Sport ក្នុងព្រឹត្តិការណ៍ Summer Games ក្នុងទីក្រុងប៉ារីស ប្រទេសបារាំង៕