ទៅទិញថ្មទូរសព្ទហ្សីន បានហ្សីនតែថ្ម ប្រយ័ត្នចោលលុយទទេ
- 2018-03-09 05:09:02
- ចំនួនមតិ 0 | ចំនួនចែករំលែក 0
ទៅទិញថ្មទូរសព្ទហ្សីន បានហ្សីនតែថ្ម ប្រយ័ត្នចោលលុយទទេ
ចន្លោះមិនឃើញ
មានអតិថិជនមួយចំនួនមិនបានគិត ឬអាចនិយាយថាគិតមិនដល់នៅពេលទៅទិញថ្មទូរសព្ទ ហើយប្រើប្រាស់មិនបានយូរ។
លោក ឡុង ឆ័យណាវ ម្ចាស់ហាងជួសជុលទូរសព្ទ Dr Phone ប្រាប់ថា កន្លងទៅធ្លាប់មានករណីច្រើនដែលអ្នកប្រើប្រាស់មួយចំនួនទៅទិញថ្មទូរសព្ទតាមហាង ហើយចង់បានថ្មហ្សីនដែលមានតម្លៃថ្លៃ។
លោកថា ថ្មហ្សីនល្អនិងមានសុវត្ថិភាព តែអ្នកប្រើប្រាស់មិនបានដឹងទេថ្មហ្សីនក៏មានអាយុកាលប្រើប្រាស់របស់វា។
"អ្នកលក់ប្រាប់ថាហ្សីន។ អូខេការពិតវាជាថ្មហ្សីនមែន តែអ្នកទិញមិនដឹងទេថ្មនោះសឹករិចរិល"។
តាមអតិថិជនដែលយកទូរសព្ទមកជួសជុលថ្មនៅហាងរបស់លោករកឃើញថា ថ្មទូរសព្ទខ្លះប្រើតែពីរបីខែក៏ខូចទៅវិញ ទោះបីវាជាថ្មហ្សីនថ្មីក៏ដោយ។
ដើម្បីបញ្ជាក់ច្បាស់ លោកថាទាល់តេស្តដោយប្រើម៉ាស៊ីនទើបអាចវិនិច្ឆ័យគុណភាពថ្មយ៉ាងម៉េច ហើយអាយុកាលអាចបន្តប្រើប្រាស់យូរប៉ុណ្ណា៕
អត្ថបទក្រោយ Sabay នឹងបង្ហាញពីឧបករណ៍តេស្តថ្មទូរសព្ទ ឲ្យប្រិយមិត្តបានស្វែងយល់ទាំងអស់គ្នា៕