ក្រុមហ៊ុន ៣ ដែល Apple ចំណាយលុយលានៗដុល្លារទិញយកនៅឆ្នាំ ២០១៧
- 2018-03-09 08:43:05
- ចំនួនមតិ 0 | ចំនួនចែករំលែក 0
ក្រុមហ៊ុន ៣ ដែល Apple ចំណាយលុយលានៗដុល្លារទិញយកនៅឆ្នាំ ២០១៧
ចន្លោះមិនឃើញ
នៅក្នុងអង្គប្រជុំម្ចាស់ភាគហ៊ុនប្រចាំឆ្នាំ ២០១៨ កាលពីដើមខែកុម្ភៈ ក្រុមហ៊ុន Apple បានប្រកាសឲ្យដឹងថានៅឆ្នាំ ២០១៧ ក្រុមហ៊ុនយក្សនេះបានទិញយកក្រុមហ៊ុនផ្សេងៗចំនួន ១៩ ក្រុមហ៊ុន។ ក្នុងចំណោមក្រុមហ៊ុនទាំង ១៩ មានក្រុមហ៊ុនចំនួន ១០ ត្រូវបានគេស្គាល់ ចំណែក ៩ ទៀតគ្មាននរណាស្គាល់នោះទេ។ បន្ថែមពីនេះមានត្រឹម ៣ ក្រុមហ៊ុនប៉ុណ្ណោះដែលគេអាចដឹងអំពីតម្លៃទិញយក។
១. ក្រុមហ៊ុន Shazam ៖ ជាក្រុមហ៊ុនចក្រភពអង់គ្លេសដែលជំនាញខាងចំណាំចម្រៀង និងរូបភាព ដែល Apple ទិញយកក្នុងតម្លៃប្រមាណ ៤០០ លានដុល្លារ ដើម្បីពង្រឹងដល់ iTunes, Siri និង Apple Music។
២. ក្រុមហ៊ុន Lattice Data ៖ ជាក្រុមហ៊ុនសហរដ្ឋអាមេរិក ដែលជំនាញលើបច្ចេកវិទ្យា AI ហើយ Apple បានទិញយកក្នុងតម្លៃ ២០០ លានដុល្លារ ដើម្បីជំនួយដល់កម្មវិធី Photos។
៣. ក្រុមហ៊ុន Vranna ៖ ក្រុមហ៊ុនកាណាដា ដែលជំនាញលើបច្ចេកវិទ្យា AR ត្រូវ Apple ទិញយកក្នុងតម្លៃ ៣០ លានដុល្លារ ដើម្បីជំនួយដល់ ARKit។
គួរបញ្ជាក់ថាក្រុមហ៊ុនទាំងឡាយដែល Apple បានទិញយកនៅឆ្នាំ ២០១៧ សុទ្ធតែត្រូវបានទិញយកក្នុងគោលបំណងធ្វើឲ្យផលិតផលរបស់ខ្លួនមានភាពប្រសើរជាងមុន៕