នៅសល់ក្លឹបយក្សអង់គ្លេសតែ ១ ប៉ុណ្ណោះ ដែល Salah មិនទាន់ស៊ុតចូល
- 2018-03-09 11:34:53
- ចំនួនមតិ 0 | ចំនួនចែករំលែក 0
នៅសល់ក្លឹបយក្សអង់គ្លេសតែ ១ ប៉ុណ្ណោះ ដែល Salah មិនទាន់ស៊ុតចូល
ចន្លោះមិនឃើញ
ក្នុងចំណោមក្លឹបធំៗ នៅក្នុងលីគកំពូលអង់គ្លេស មានតែក្លឹប Manchester United ដែលខ្សែប្រយុទ្ធ Mohamed Salah មិនទាន់ស៊ុតចូល ក្នុងរដូវកាលនេះ។
ក្លឹបយក្សៗនៅអង់គ្លេសចំនួន ៤ ត្រូវបានខ្សែប្រយុទ្ធ Salah ស៊ុតចូលអស់ហើយក្នុងរដូវកាលនេះ។ ក្នុងនោះ គិតមកទល់ពេលនេះ កីឡាករអេហ្ស៊ីបស៊ុតចូលសរុបរហូតដល់ទៅ ៣គ្រាប់ លើក្លឹប Tottenham Hotspur ២គ្រាប់លើកាំភ្លើងធំ Arsenal និង ១គ្រាប់ទៅលើក្លឹប Chelsea និង Manchester City។
ទោះជាយ៉ាងណា ខ្សែប្រយុទ្ធកំពុងឡើងជើង Salah មិនទាន់ស៊ុតចូលក្លឹប Manchester United នៅឡើយទេ។ កីឡាករអេហ្ស៊ីបបានលេងក្នុងជំនួប Liverpool-Manchester United ម្ដងរួចហើយ នៅទឹកដី Anfield កាលពីខែតុលា ឆ្នាំទៅ ប៉ុន្តែកីឡាករអេហ្ស៊ីបមិនបានបំបែកពងមាន់ទេកាលគ្រានោះ។ ការប្រកួតកាលនោះ បានបញ្ចប់ដោយលទ្ធផល ០ ទល់នឹង ០។ ដូច្នេះការប្រកួតប៉ះជាមួយបិសាចក្រហមនៅថ្ងៃស្អែកនេះ អាចជាឱកាសមួយសម្រាប់ Salah ក្នុងការសម្រេចរឿងនេះ។
សូមបញ្ជាក់ផងដែរ ខ្សែប្រយុទ្ធ Salah រកបាន ២៤គ្រាប់ហើយ ក្នុងលីគកំពូលអង់គ្លេសនារដូវកាលនេះ។
បិសាចក្រហម Manchester United នឹងបើកទ្វារស្វាគមន៍ហង្សក្រហម Liverpool នៅយប់ស្អែកនេះ៕