គ្រូទ័ព៖ យើងរៀបចំបានល្អហើយ តែភ្នំពេញក្រោនគេរៀបចំល្អជាងទៀត

2018-03-11 03:25:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ភា សុភ័ត្រា គ្រូបង្វឹកក្រុមក្រសួងការពារជាតិ (ទ័ព)បានសម្ដែងការសោកស្ដាយក្រោយក្រុមរបស់ខ្លួនបរាជ័យក្រោមថ្វីជើងភ្នំពេញក្រោន ២-០ យប់មិញនៅពហុកីឡដ្ឋានជាតិនៃការប្រកួតលីគកំពូលកម្ពុជាសប្ដាហ៍ទី២។

លោក ភា សុភ័ត្រា

ក្រោយការបរាជ័យនេះលោកបាននិយាយថា « លោកបានត្រៀម និងរៀបចំក្រុមបានយ៉ាងល្អ ដើម្បីត្រៀមការប្រកួតដ៏សំខាន់មួយនេះ។ ប៉ុន្តែបើមើលទៅលើការបង្ហាញរបស់ភ្នំពេញក្រោនថ្ងៃនេះពួកបានត្រៀមបានល្អជាងយើង»។ លោកបន្ថែមថា ក្រុមរបស់លោកមានចំណុចខ្វះខាតនៅតំបន់ស្លាបទាំងសងខាង ដោយមិនអាចធ្វើទៅតាមអ្វីដែលបានគ្រោងទុក។

ចំណុចខ្វះខាតធំមួយទៀតដែលគ្រូបង្វឹករូបនេះមើលឃើញគឺនៅពេលកូនក្រុម ដណ្ដើមបាល់បានពីដៃគូហើយ គឺបាត់បង់បាល់ទៅវិញលឿន។ ជាមួយគ្នានោះខ្សែការពារមិនអាចទប់បាននៅពេលដៃគូវាយបក។

ក្រសួងការពារជាតិ នឹងត្រូវជួបជាមួយអាស៊ីអឺរ៉ុបនាប្រកួតបន្ទាប់ថ្ងៃទី១៧ ខែមីនា ឆ្នាំ២០១៨ នៅទឹកដីរបស់អាស៊ីអឺរ៉ុប ដែលជាជំនួបសប្ដាហ៍ទី៣៕