កីឡាករកម្ពុជា៤នាក់នៅលីគម៉ាឡេស៊ីត្រូវកោះហៅចូលជម្រើសជាតិទាំងអស់
- 2018-03-12 02:08:02
- ចំនួនមតិ 0 | ចំនួនចែករំលែក 0
កីឡាករកម្ពុជា៤នាក់នៅលីគម៉ាឡេស៊ីត្រូវកោះហៅចូលជម្រើសជាតិទាំងអស់
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាអាចនឹងប្រកាសឈ្មោះជាផ្លូវការព្រឹកនេះ ដើម្បីត្រៀមការប្រកួតមិត្តភាពអន្តរជាតិជាមួយ ជម្រើសជាតិឡាវ និងត្រៀមការប្រកួតជម្រុះ AFC Asian Cup 2019 ជាមួយអាហ្វហ្គានីស្ថាននាថ្ងៃទី២៧ ខែមីនា ឆ្នាំ២០១៨ នៅទឹកដីអាហ្វហ្គានីស្ថាន។
លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជាបានឲ្យដឹងថា ចាន់ វឌ្ឍនាកា និង ធារី ចន្ថាប៊ីន មិនទាន់មកប្រមូលផ្ដុំថ្ងៃនេះឡើយ។ ពួកគេមានភារកិច្ចជួយក្រុមរបស់ខ្លួនក្នុងព្រឹត្តិការណ៍ AFC Cup នាថ្ងៃទី១៧ ខែនេះ ដូច្នេះក្រោយជួយក្រុមនាប្រកួតសំខាន់នេះហើយ ពួកគេនឹងមកចូលរួមជាមួយក្រុមជម្រើសជាតិដើម្បីធ្វើដំណើរទៅប្រទេសឡាវតែម្តង។
ចំពោះ កែវ សុខផេង និងប្រាក់ មុន្នីឧត្ដម គ្រូបង្វឹកខាងលើបញ្ជាក់ថា នឹងមកដល់កម្ពុជានាថ្ងៃនេះ។ ក្រុមជម្រើសជាតិកម្ពុជាបានធ្លាក់ទៅហើយពីព្រឹត្តិការណ៍ AFC Asian Cup 2019 នេះ ប៉ុន្តែត្រូវប្រកួតបង្គ្រប់កិច្ច។
លោកគ្រូជម្រើសជាតិបានបញ្ជាក់ថា នឹងមិនមានការប្រកួតមិត្តភាពកម្តៅសាច់ដុំក្នុងស្រុកឡើយដោយសារកីឡាករក្នុងស្រុករវល់ច្រើនក្នុងក្រុមរៀងៗខ្លួន។ បន្ទាប់ពីប្រកាសបញ្ជីឈ្មោះចេញផ្លូវការ ហើយដល់ថ្ងៃធ្វើដំណើរទៅប្រកួតនៅប្រទេសឡាវតែម្តង៕