ឡៅ ស៊ីណាត និយាយពីការប៉ះគ្នា ឡៅ ចិត្រា និង khunserk យប់មិញ

2018-03-12 06:26:42
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតជើងខ្លាំងគុនខ្មែរ ឡៅ ស៊ីណាត បានចាប់អារម្មណ៍ខ្លាំងចំពោះការប្រកួតដ៏ស្វិតស្វាញរវាងប្អូនប្រុសរបស់ខ្លួន ឡៅ ចិត្រា និង Kla khunserk កាលយប់មិញនៅសង្វៀនបាយ័ន។

ឡៅ ស៊ីណាត និងប្អូនៗទាំងពីរ

ឡៅ ស៊ីណាត បានឲ្យដឹងថា Kla khunserk ម្នាក់នេះពិតជាធន់មែន មិនងាយនឹងផ្ដួលគេឲ្យសន្លប់បានឡើយ។ បើទោះ ចិត្រា ខំប្រឹងបុកដើរចូលវ៉ៃយ៉ាងណាក៏ដោយ រូបគេនៅតែរឹងមាំដដែល។ ការប្រកួតនេះដែរ ប្រដាល់ឆ្លងដែនមកពីថៃគេចបានល្អមែនដែលធ្វើឲ្យប្អូនប្រុសរបស់ខ្លួនពិបាក។ នេះអាចចាត់ទុកថា ជាបទពិសោធថ្មីថែមទៀតប្អូនប្រុសឡើងសង្វៀនជួបកីឡាករខ្លាំងៗ។

កីឡាករ Kla khunserk(រូបពីមុន)

អាជ្ញាកណ្ដាលនៅសង្វៀនបាយ័នរូបនេះបន្ថែមថា យ៉ាងណា យប់មិញប្អូនប្រុសរបស់ខ្លួនក៏ធ្វើបានល្អដែរ។ ចិត្រាបានដើរចូលវ៉ៃរហូតដែលជាចំណុចងាយយកពិន្ទុបាន។ តាមពិតទៅលោកបានប្រាប់ប្អូនប្រុសឲ្យប្រើវិធីចូលវ៉ៃដើម្បីងាយស្រួលបានពិន្ទុ ពីកីឡាករថៃមិនសូវមានកម្លាំងនោះទេ។ ចំពោះ ឡៅ ចិត្រា នៅមានចំណុចខ្វះខាតដែលត្រូវហ្វឹកហាត់បន្ថែមទៀតគឺចេញស្នៀតមិនសូវដូចមុន និងទាត់លើដៃគូត្រង់ៗពេក។

កីឡាករ ឡៅ ចិត្រា(រូបចាស់)

ជើងខ្លាំងវ័យក្មេង ឡៅ ចិត្រា ប្រកួតចុងក្រោយយកឈ្នះកីឡាករថៃ Kla khunserk ដោយពិន្ទុ កាលពីថ្ងៃអាទិត្យ ទី១១ ខែមីនា ២០១៨ ហើយកំពុងមាន៦ពិន្ទុក្នុងដៃ បន្ទាប់ពីឈ្នះពីរប្រកួតជាប់គ្នា៕

វីដេអូប្រកួត៖