អតីតខ្សែការពារ Liverpool អាចអស់ការងារក្រោយស្ដោះទឹកមាត់ដាក់អ្នកគាំទ្រ Man Utd

2018-03-12 04:58:18
ចំនួនមតិ 0 | ចំនួនចែករំលែក 0

ចន្លោះមិនឃើញ

Jamie Carragher នឹងពិភាក្សាពីអនាគតការងារជាមួយ ទូរទស្សន៍ Sky ប្រទេសអង់គ្លេសក្រោយលេចធ្លាយវីដេអូស្ដោះទឹកមាត់ដាក់អ្នកគាំទ្រតាមដងផ្លូវ។

Carragher

បុរសសញ្ជាតិអង់គ្លេសបានបើកឡានពី Old Traffordធ្វើដំណើរត្រឡប់ទៅផ្ទះវិញម្នាក់ឯង ក្រោយចប់ការប្រកួតរវាង Manchester United និង Liverpool តែបានស្ដោះទឹកមាត់ដាក់អ្នកគាំទ្រវ័យក្មេងក្រុមបិសាចក្រហមម្នាក់ ដែលទង្វើនេះកំពុងរងការរិះគន់ និងអាចធ្វើឲ្យរូបគេបាត់បង់ការងារ។

យ៉ាងណា អតីតវីរបុរស និងខ្សែការពារ Liverpool បានសុំទោសចំពោះហេតុការណ៍ខាងលើ និងបានបកស្រាយថាខ្លួនស្ដោះទឹកមាត់ព្រោះខឹងបុរសជាបើកឡានដែលព្យាយាមថតវីដេអូរបស់គេ ២,៣ដង។

ដើមចមដំបូងគឺអ្នកបើកបរជាអ្នកគាំទ្រ Man Utd បានស៊ីផ្លេដាក់ឡាន Carragher និងស្រែកថា "២-១ៗ"។ ភ្លាមនោះ Carragher បានតបថា "បានហើយ" និងស្ដោះទឹកមាត់ដាក់។ បុរសជាឪពុកបាននិយាយក្នុងវីដេអូ៖”Carragher បានស្ដោះទឹកមាត់ដាក់កូនស្រីខ្ញុំ" ខណៈក្មេងស្រីស្រែក៖ "បានហើយប៉ាឈប់ទៅ"។

Jamie Carragher ជាខ្សែការពារល្បីឈ្មោះមួយរូបកាលពីអតីតកាលនិងចំណាយពេលមួយអាជីពលេងឲ្យ Liverpool ធ្លាប់ជួយក្លឹបឈ្នះពាន UEFA Champions League, UEFA Cup (Europa League), FA Cup, League Cup និងពានជាច្រើនទៀតពីការលេងជាង៥០០ប្រកួតរបស់គេ៕