Southampton ដេញគ្រូចេញក្រោយក្រុមក្បែរតំបន់កាត់ចោល
- 2018-03-13 01:36:43
- ចំនួនមតិ 0 | ចំនួនចែករំលែក 0
Southampton ដេញគ្រូចេញក្រោយក្រុមក្បែរតំបន់កាត់ចោល
ចន្លោះមិនឃើញ
Southampton សម្រេចបណ្ដេញលោក Mauricio Pellegrino ចេញពីតំណែងជាអ្នកចាត់ការទូទៅក្រោយក្លឹបស្ថិតនៅលេខ១៧ក្បែរតំបន់ត្រូវកាត់ចេញ។
ក្រុមរហស្សនាមថា The Saints មាន១ពិន្ទុប៉ុណ្ណោះលើក្រុមលេខ១៨ Crystal Palace ខណៈលីគអង់គ្លេសនៅសល់៨ប្រកួតទៀតបញ្ចប់រដូវកាលហើយ។ Pellegrino ដឹកនាំ Southampton ឈ្នះម្ដងគត់នៅ១៧ប្រកួតចុងក្រោយ។
បុរសវ័យ៤៦ឆ្នាំចូលកាន់តំណែងកាលពីខែមិថុនាជំនួសលោក Claude Puel។ យ៉ាងណាក្លឹបសង្ឃឹមរើសបានអ្នកចាត់ការថ្មីមុនការប្រកួតវគ្គពាក់កណ្ដាលផ្ដាច់ព្រ័ត្រ FA Cup ប៉ះ Wigan នៅថ្ងៃអាទិត្យ។
ក្លឹបមានមូលដ្ឋានឈ្មោះ St Mary's Stadium ក្លាយជាក្រុមទី៨ដែលបណ្ដេញអ្នកចាត់ការទូទៅនៅរដូវកាលនេះ។ ជំនួយការអ្នកចាត់ការ លោក Compagnucci និង លោក Xavier Tamarit ជំនួយការគ្រូបង្វឹកក្រុមឈុតធំក៏ចាកចេញពីក្លឹបដូចគ្នា៕