ឡុង រ៉ាមី ធ្លាក់បាក់ឌុបដោយសារប្រដាល់
- 2018-03-13 02:30:10
- ចំនួនមតិ 0 | ចំនួនចែករំលែក 0
ឡុង រ៉ាមី ធ្លាក់បាក់ឌុបដោយសារប្រដាល់
ចន្លោះមិនឃើញ
អ្នកលេងគុនខ្មែរ ឡុង រ៉ាមី ថាខ្លួនធ្លាក់បាក់ឌុប ដោយសាររត់មកហាត់ប្រដាល់ ព្រោះស្រឡាញ់វិស័យកីឡាមួយនេះតាំងពីយូរមកហើយ។
ឡុង រ៉ាមី បានឲ្យដឹងថា វិស័យប្រដាល់ជាកីឡាមួយដែលខ្លួនស្រឡាញ់ខ្លាំងបំផុត ហើយជាច្រើនលើក ជាច្រើនសារតែងតែសុំការអនុញ្ញាតដើម្បីបានទៅហ្វឹកហាត់ និងចាប់អាជីពមួយនេះនៅពេលខាងមុខ។
ដោយមិនមានការអនុញ្ញាតពីរទៅបីដង នៅពេលដែលកីឡាកររូបនេះកំពុងរៀងថ្នាក់ទី១២ ហើយសល់ត្រឹម៣ខែទៀតប៉ុណ្ណោះដល់ពេលប្រលងទៅហើយ ទប់ចិត្តមិនបានក៏កុហកឪពុកម្ដាយថាសុំមកធ្វើការសំណង់នៅភ្នំពេញ ប៉ុន្តែគឺមកហាត់ប្រដាល់នោះទេ។ លុះដល់ពេលទៅប្រលងវិញកីឡាកររូបនេះធ្វើមិនល្អនោះទេដោយធ្លាក់បាក់ឌុបតែម្ដង។
កីឡាករទម្ងន់៥៧គីឡូក្រាមខាងលើបន្តថា នឹកស្ដាយក្រោយ ប្រសិនបើទ្រាំរៀន៣ខែទៀត ហើយប្រលងជាប់បាក់ឌុបសិនល្អចាំមកហាត់ល្អបាត់ទៅហើយ។ ទោះប្រលងធ្លាក់មែន ប៉ុន្តែអ្នកលេងគុនខ្មែររូបនេះ ថាយ៉ាងហោចណាស់ក៏បានសម្រេចបំណងដែលខ្លួនប៉ងជាយូរមកហើយ។
ឡុង រ៉ាមី ជាអ្នកប្រដាល់មកពីក្លឹបខ្លារខិន ប្រកួតចុងក្រោយរបស់គេចាញ់ពិន្ទុសិស្សច្បង ផាន ផាត់យុទ្ធ នៅសង្វៀន TV5 ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
