រួសរាន់ដាក់ពាក្យ! ឱកាសទទួលបានទឹកប្រាក់ជាង១ពាន់ដុល្លារ ដើម្បីពង្រឹងជំនាញសិល្បៈ

2018-03-13 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីអាហារូបករណ៍អង្គការសិល្បៈអមតៈ របស់លោក អាន ចនផន ជួយដល់អ្នកដែលមានទេពកោសល្យដើម្បីបន្តអាជីពការងាររបស់ខ្លួនក្នុងវិស័យសិល្បៈឲ្យក្លាយជាអាជីព ឆ្នាំ២០១៩ចាប់ផ្តើមទទួលពាក្យស្នើសុំហើយ។

អាហារូបករណ៍នេះនឹងផ្តល់ដល់បេក្ខជនចំនួន១០នាក់ ដែលការទទួលពាក្យស្នើសុំអាហារូបករណ៍ចាប់ពីពេលតទៅ និងឈប់ទទួលពាក្យនៅថ្ងៃទី១២ ខែមិថុនា ឆ្នាំ២០១៨ ។

បេក្ខជន ដែលជាប់អាហារូបករណ៍នឹងទទួលបានទឹកប្រាក់ ១ ២០០ ដុល្លារក្នុងមួយឆ្នាំសម្រាប់អភិវឌ្ឍអាជីព រយៈពេល២ឆ្នាំ។ ហើយអ្នកដែលទទួលបានអាហារូបករណ៍ នឹងត្រូវចូលរួមកម្មវិធី សិក្ខាសាលា វគ្គបណ្ដុះបណ្ដាល និងគម្រោងនានាផងដែរ។

សកម្មភាពវគ្គបណ្ដុះបណ្ដាល

លក្ខខ័ណ្ឌនៃការចូលរួមស្នើសុំ បេក្ខជនត្រូវជាសិល្បករ សិស្សសិល្បៈ គ្រូសិល្បៈ អ្នកធ្វើការក្នុងវិស័យសិល្បៈ (ដូចជាអ្នកស្រាវជ្រាវ អ្នកគ្រប់គ្រង ។ល។ ដែលធ្វើការក្នុងវិស័យសិល្បៈជាច្រើនទម្រង់ដូចជា សិល្បៈទស្សនីយភាព ភាពយន្ត ស្ថាបត្យកម្ម វិចិត្រកម្ម ទាំងបុរាណ និងសហសម័យ។ បេក្ខជន ត្រូវមានអាយុយ៉ាងតិច ១៦ឆ្នាំ មានសញ្ជាតិខ្មែរនិងមានបទពិសោធន៍ការងាររៀនយ៉ាងតិច ៣ឆ្នាំក្នុងវិស័យសិល្បៈ និងវប្បធម៌។

អតីតសិស្សអាហារូបករណ៍

អាស័យដ្ឋាន ទទួល ពាក្យ ស្នើសុំ នៅស្នាក់ការអង្គការសិល្បៈខ្មែរអមតៈ ផ្តះលេខ ១២៨G៩ មហាវិថី សម្តេចសុធារស ជិត វត្ថស្វាយពពែ រាជធានីភ្នំពេញ ។ ក្នុងឆ្នាំ២០១៨អង្គការបានផ្តល់អាហារូបករណ៍ ជូនសិស្សចំនួន១៣នាក់។ ដែល សិស្សានុសិស្សកំពុងសិក្សាជំនាញសិល្បៈនានា ដូចជាពិណ សៀក ស្មូត និងទម្រង់សិល្បៈជាច្រើនផ្សេងៗទៀត៕

អត្ថបទ៖ ច្រឹក ស្រីអូន