ផ្នែកតារាប្រុស តម្លៃខ្លួន ព្រាប សុវត្ថិ ខ្ពស់ដាច់ ដោយឡែកខាងស្រីវិញ សុគន្ធកញ្ញា ហើយ!
- 2018-03-13 03:04:35
- ចំនួនមតិ 0 | ចំនួនចែករំលែក 0
ផ្នែកតារាប្រុស តម្លៃខ្លួន ព្រាប សុវត្ថិ ខ្ពស់ដាច់ ដោយឡែកខាងស្រីវិញ សុគន្ធកញ្ញា ហើយ!
ចន្លោះមិនឃើញ
បើតាមប្រភពពីអ្នករៀបចំកម្មវិធីតន្ត្រីនានា ព្រាប សុវត្ថិ មានតម្លៃខ្លួនខ្ពស់ជាងគេ ស្ថិតក្នុងជួរតារាចម្រៀងប្រុស ប៉ុន្តែតារាចម្រៀងស្រីវិញ គឺ ឱក សុគន្ធកញ្ញា ឈរលើគេហើយ។
តាមប្រភពមិនបញ្ចេញអត្តសញ្ញាណ បានឲ្យដឹងទៀតថា សុគន្ធកញ្ញា ទទួលបានតម្លៃពលកម្មចន្លោះពី ៣០០០ ទៅ ៣៥០០ដុល្លារអាមេរិក នេះសម្រាប់ការប្រគំតន្ត្រីនានានៅរាជធានី។ ដោយឡែកការងារចុះទៅតាមខេត្តវិញ គឺប្រែប្រួលទៅតាមខេត្តជិត ខេត្តឆ្ងាយទៀត។
យ៉ាងណា តម្លៃពលកម្មរបស់នាង ក៏មិនខុសគ្នាខ្លាំងពេកដែរ ក្នុងនោះប្រភពបន្ថែមថា ការចុះទៅតាមខេត្ត តារាស្រីដែលកំពុងរុំព័ទ្ធដំណឹងរៀបការឆ្នាំនេះជាមួយថ្នាក់លើនោះ គឺនាងអាចទទួលបានចន្លោះពី ៣៥០០ ទៅ ៣៨០០ដុល្លារ ឬក្រោម ៤០០០ដុល្លារអាមេរិកក្នុង១កម្មវិធី។
តម្លៃខ្លួននេះ ប្រភពអះអាងថា សុគន្ធកញ្ញា ឈរលើតារាចម្រៀងស្រីផ្សេងទៀត។ ប៉ុន្តែមិនមានន័យថា សមត្ថភាពនាង ខ្ពស់ជាងតារាស្រីផ្សេងទៀតនោះទេ ជាក់ស្ដែងតម្លៃពលកម្មរបស់នាង បើទោះខ្ពស់ជាងគេ ប៉ុន្តែក៏មិនដាច់គ្នាឆ្ងាយដែរ។ "និយាយទៅ មិនខុសគ្នាប៉ុន្មានទេ គឺខុសគ្នាតិចតួចប៉ុណ្ណោះ សុគន្ធកញ្ញា បានច្រើនជាងបន្តិច ដោយសារតែមហង្សមាសអីចឹងណា"។ ប្រភពបន្ថែម៕