ឈិន ច័ន្ទសុធារី សុខចិត្តបើកដៃឲ្យ សុវណ្ណ មករា ដើម្បីសុភមង្គលកូន (វីដេអូ)

2018-03-13 06:46:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាពេលនេះអ្នកនាង ឈិន ច័ន្ទសុធារី និងលោក សុវណ្ណ មករា មិនមានឈ្មោះជាប្ដីប្រពន្ធនឹងគ្នាដូចពេលមុនក្ដីតែអ្នកទាំងពីរមិនមានគំនុំគំកួន ឬពាក់មុខយក្សដាក់គ្នាឡើយ។

ផ្ទុយទៅវិញ ឈិន ច័ន្ទសុធារី បែរជាបើកដៃឲ្យ សុវណ្ណ មករា ចេញចូលផ្ទះរបស់ខ្លួនបានតាមចិត្ត គ្រប់ពេលអតីតស្វាមីរូបនេះនឹកកូនៗទាំងពីរ អ្នកនាងមិនបានកាត់ផ្ដាច់មនោសញ្ចេតនារវាងឪពុក និងកូនទេ។ ការធ្វើបែបនេះគឺ នាង ចង់ផ្ដល់ភាពកក់ក្ដៅដល់កូនៗជាទីស្រលាញ់ មិនចង់ឲ្យពួកគេធំឡើងមានអារម្មណ៍ឯកោ។

“ខ្ញុំ និងបង មករា ពេលនេះគឺស្រលាញ់រាប់អានគ្នាដូចបងប្អូន ពួកយើងមិនមានអ្វីគុំកួនគ្នាផង ពេលគាត់នឹកកូនអាចមកលេងបាន ខ្ញុំមិនដែលរារាំងគាត់ មិនឲ្យមកលេងកូននោះទេ"។ នេះបើតាម ឈិន សុធារី រៀបរាប់។

រូបថតពីហ្វេសប៊ុក សុវណ្ណ មករា

ឈិន ច័ន្ទសុធារី បន្ថែមថា ចាប់តាំងពីចែកផ្លូវគ្នាដើររៀងៗខ្លួន បន្ទុកទាំងស្រុងក្នុងការចិញ្ចឹមបីបាច់មើលថែរក្សាកូនទាំងពីគឺធ្លាក់មកលើនាងទាំងអស់ ស្វាមីមិនបានជួយទំនុកបម្រុងនោះទេ តែក្នុងបណ្ដឹងលែងលះខ្លួនបានទាមទារអាហារកិច្ច ពី សុវណ្ណ មករា តែតុលាការមិនទាន់បានសម្រេចនៅឡើយទេ ដោយរង់ចាំតុលាការចេញសាលក្រមជាថ្មីម្ដងទៀត។

ពេលនេះកូនភ្លោះប្រុសស្រីដ៏គួរឲ្យស្រលាញ់របស់អ្នកនាង ឈិន ច័ន្ទសុធារី មានអាយុ២ ឆ្នាំហើយ ដោយកូនប្រុសមានឈ្មោះ ភូ ចំណែកឯកូនស្រីមានឈ្មោះ ហ្វូយ៉ា ។

ចុចអាន៖ជុំវិញរឿងរ៉ាវ ឈិន ច័ន្ទសុធារី

ចុចអាន៖មិនធម្មតា! ក្មួយទាំង៣ ដេនី ក្វាន់ មានឈ្មោះល្បីមុនចូលប្រឡូកសិល្បៈ

ចុចអាន៖ម្ដងនេះ ប៉ែន ចំរុង ពោលក្ដែងៗថានឹកកូនស្រី

អត្ថបទ៖ ឆុង ស៊ីណាន