អគ្គនាយកដ្ឋានកីឡា NOCC និងសហព័ន្ធកំពុងដុតដៃដុតជើងរឿងកីឡាជាតិលើកទី២

2018-03-13 08:38:30
ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គនាយកដ្ឋានកីឡា គណៈកម្មាធិការជាតិអូឡាំពិកកម្ពុជា រួមនិងសហព័ន្ធទាំង២៧ បើកកិច្ចប្រជុំនាព្រឹកមិញ ដើម្បីពិភាក្សាពីដំណើរការនានាក្នុងការត្រៀមចូលរួមប្រកួតកីឡាជាតិលើកទី២ ក្នុងខែឧសភាពេលខាងមុខ។

ឯកឧត្ដម អ៊ុក សិទ្ធិជាតិ និង វ៉ាត់ ចំរើន

ឯកឧត្ដម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា បានឲ្យដឹងថា កិច្ចប្រជុំព្រឹកមិញនេះគឺជួបជជែកជាមួយភាគីពាក់ព័ន្ធដែលត្រូវរៀបចំទាំងអស់ និងពិនិត្យលើការចុះបញ្ជីប្រភេទកីឡាទាំង២៧ ថាតើប្រភេទទាំងនោះឆ្លើយតប ទៅនិងលក្ខខណ្ឌនៃការប្រកួតដែរឬទេ។ បើតាមការពិនិត្យទៅឃើញថាត្រឹមត្រូវ។ នៅជំហានបន្ទាប់ទៀតនោះ គឺផ្ដោតលើការចុះឈ្មោះកីឡាករ ចំនួនកីឡាករទាំងអស់ ហើយទាក់ទងកិច្ចការនេះដែរ ពួកលោកនិងពន្លឿនការងារនេះ ព្រោះជិតដល់ពេលប្រកួតហើយ។

អគ្គលេខាធិការនៃគណៈកម្មាធិការជាតិអូឡាំពិកកម្ពុជា ឯកឧត្ដម វ៉ាត់ ចំរើន ឲ្យដឹងនាឱកាសនោះដែរថា លោកលើកឡើងត្រួសៗពីការសម្ដែងនៅពេល បើក និង បិទ កម្មវិធី ដែលមានទស្សនីយភាព រួមនិងការសម្ដែងជាក្រុមធំៗ ចាប់ពី ៧០០នាក់ ដល់ ១០០០នាក់ ដើម្បីធ្វើការហ្វឹកហាត់ជាបណ្ដើរៗ។ ចំពោះពង្រាងវិញខាងគណៈកម្មាធិការជាតិអូឡាំពិកកម្ពុជា បានធ្វើរួចរាល់និងដាក់ជូនក្រសួងរួចហើយ។

កិច្ចប្រជុំព្រឹកមិញ

ពិធីបើក និង បិទ នេះមិនត្រឹមតែជាការបង្ហាញពីការប្រកួតនោះទេ គឺក៏បញ្ជាក់ពីការរីកចម្រើន និងសក្ដានុពលនៃប្រទេសជាតិផងដែរ ដូច្នេះបានជាការរៀបចំត្រូវការ ការសហការគ្នា ព្រមទាំងការណែនាំពីថ្នាក់ដឹកនាំច្រើន។ មួយវិញទៀតនោះការ បើក និង បិទ នេះធ្វើឡើងឲ្យដូចលំនាំពិធីធំៗនៅឆាកអន្តរជាតិដូចជា Sea Game Asian Game និង Olympic Game ដែលមានលំនាំច្បាស់លាស់ ហើយធ្វើឲ្យមានភាពអស្ចារ្យ មានភាពទាក់ទាញ និងទុកជាឯកសារប្រវត្តិសាស្ត្រប្រចាំវិស័យកីឡា។