សេង មង្គល ទម្លាយខ្ទេចរឿងជាមួយ មាន សូនីតា ក្រោយជួបស្នេហ៍ថ្មី
- 2018-03-13 09:18:00
- ចំនួនមតិ 0 | ចំនួនចែករំលែក 0
សេង មង្គល ទម្លាយខ្ទេចរឿងជាមួយ មាន សូនីតា ក្រោយជួបស្នេហ៍ថ្មី
ចន្លោះមិនឃើញ
កន្លងមកមានមហាជន និងសារព័ត៌មានមួយចំនួនបានចេញផ្សាយថា សេង មង្គល និង មាន សូនីតា មានទំនាក់ទំនងស្នេហាជាមួយគ្នា។
ជុំវិញរឿងរ៉ាវខាងលើនេះកំលោះសង្ហា សេង មង្គល បានបរិយាយថា ភាពស្និទ្ធស្នាលជាមួយរាជិនីក្រមា មាន សូនីតា កន្លងមកក្នុងនាមជាមិត្តភ័ក្ដិសិល្បៈតែប៉ុណ្ណោះ បើឲ្យឈានដល់សេចក្ដីស្នេហាប្រុស និងស្រីគឺមិនអាចទេ ព្រោះពេលនេះខ្លួន មានម្ចាស់បេះដូងរួចហើយ កំពុងតែស្វែងយល់ពីចំណុចខ្វះខាតគ្នាទៅវិញទៅមក មុនឈានដល់ថ្ងៃជ័យមង្គល។
ចំពោះដើមហេតុធ្វើឲ្យហ្វេនៗ និងអ្នកសារព័ត៌មានមួយចំនួនមានការយល់ច្រលំថាខ្លួន និង មាន សូនីតា មានស្នេហាជាមួយគ្នា ក្រោយពីអ្នកទាំងពីរចាប់ដៃគ្នាសម្ដែងក្នុងខ្សែភាពយន្តភាគរឿង "អ្នកមានគុណ" នៅទូរទស្សន៍ប៉ុស្តិ៍បាយ័ន ដែលដឹកនាំសម្ដែងដោយអ្នកស្រី ពាន់ ភួងបុប្ផា។
“សូនីតា គាត់ចាត់ទុករូបខ្ញុំដូចបងប្អូន និងក្នុងនាមជាមិត្តភ័ក្ដិរួមការងារតែប៉ុណ្ណោះមិនបានគិតក្នុងន័យស្នេហាទេ ហើយខ្ញុំក៏ស្រឡាញ់រាប់អានគាត់ដូចក្នុងនាមជាមិត្តភ័ក្ដិរួមការងារដែរ"។ នេះបើតាមតួឯកប្រុសក្នុងរឿង"គ្រាប់ពេជ្រអង្រួនបេះដូង" លើកឡើងដូច្នេះ។
ចំណែកឯនារីម្នាក់ដែលលោក សេង មង្គល អះអាងថាជាគូស្នេហ៍ខ្លួននោះ នាង មានឈ្មោះ តី ជាកូនអ្នកភ្នំពេញ មានមុខរបរជាអ្នករកស៊ី ហើយទាក់ទងរឿងចូលរោងការនៅពេលណានោះលោក សុំលាក់សិន៕