ត្រៀមៗ ស្អែកនេះថ្ងៃកំណើត Pi Pay មានបញ្ចុះតម្លៃពិសេស

2018-03-13 15:23:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីត្បិតថ្ងៃពុធនេះមិនមែនជាថ្ងៃឈប់សម្រាករបស់កម្ពុជាក្តី ប៉ុន្តែជាថ្ងៃដ៏ពិសេស ដែលត្រូវបានប្រារព្ធទូទាំងពិភពលោកដោយគណិតវិទូ។ ហើយស្អែកនេះ ត្រូវបានគេហៅថាថ្ងៃ ផាយ ដេ (Pi Day) ដែលសម្ដៅលើលេខ ៣,១៤ (ប្រៀបដូចថ្ងៃទី ១៤ ខែមីនា) ដែលជាលេខប្រើប្រាស់សម្រាប់គណនា ក្រឡាផ្ទៃរង្វង់តាមរយៈកាំរបស់រង្វង់។

តួយ៉ាងស្អែកនេះក្រុមហ៊ុន ផាយ ផេ (Pi Pay) ដែលជាក្រុមហ៊ុនផ្ដល់សេវាទូទាត់ការចំណាយដោយមិនប្រើក្រដាសប្រាក់ នឹងអបអរខួបកំណើតខ្លួនផងដែរ។

កាលពី ៣ ឆ្នាំមុនថ្ងៃ ១៤មីនា ជាថ្ងៃដែលស្ថាបនិកក្រុមហ៊ុនផាយ ផេ បានព្រមព្រៀងគ្នាចាប់ផ្ដើមអនុវត្តគំនិតច្នៃប្រឌិតរបស់ខ្លួនឲ្យចេញជាអាជីវកម្មមួយ ដើម្បីសម្រេចបាននូវក្តីសុបិន្តរបស់ខ្លួនក្នុងការនាំមកនូវភាពងាយស្រួល និងសុវត្ថិភាព ដល់ប្រជាជនគ្រប់រូបតាមដែលអាចធ្វើបាន តាមរយៈការប្រើប្រាស់កម្មវិធី (app) ឈ្មោះថា ផាយ ផេ ទូទាត់ការចំណាយដោយមិនប្រើក្រដាសប្រាក់ ដែលទំនើបបំផុត។

ដើម្បីអបអរថ្ងៃដ៏ពិសេសនេះ ផាយ ផេ ផ្ដល់នូវការបញ្ចុះតម្លៃបន្ថែម ៣១.៤%ទៀត ប្រសិនបើអ្នកប្រើប្រាស់កម្មវិធី ផាយ ផេ ដើម្បីទូទាត់ការចំណាយនៅតាមហាងមួយចំនួនក្នុងផ្សារទំនើបអ៊ីអន ដែលការផ្ដល់ជូននេះមានតែមួយថ្ងៃប៉ុណ្ណោះ។

ការគណនាផ្ទៃក្រឡារង្វង់ ដោយប្រើ ផាយ (Pi ឬ π) ប្រហែលជាពិបាក ប៉ុន្តែការគណនាការបញ្ចុះតម្លៃដោយប្រើកម្មវិធី ផាយ ផេ នៅថ្ងៃទី ១៤ខែ ៣ (៣.១៤) គឺជារឿងងាយ។ មិនថាអ្នកកំពុងទទួលទានអាហារនៅតាមភោជនីយដ្ឋានល្អៗ ឬដើរទិញទំនិញតាមហាងទំនិញដែលចូលរួមក្នុងកម្មវិធីនេះ នៅក្នុងផ្សារទំនើបអ៊ីអន ទទួលបានការបញ្ចុះតម្លៃបន្ថែម ៣១.៤% ពិតជាជួយបានច្រើន។

សូមស្វែងរកស្លាកសញ្ញា ផាយ ផេ ដែលមាននៅខាងក្រៅហាងពាណិជ្ជករដែលចូលរួមក្នុងកម្មវិធីនេះ។ ផាយ ផេ ក៏កំពុងអបអរខួបកំណើតរបស់ខ្លួន តាមរយៈការដាក់ចេញនូវកម្មវិធី Pi Pay Lite ជាគណនីឌីជីថលថ្មី ដែលផ្ដល់ភាព ងាយស្រួលខ្លាំងក្នុងការបង្កើត បន្ទាប់ពីអ្នកទាញយក កម្មវិធីនេះរួច និងបញ្ចូលទឹកប្រាក់ចាប់ពី ១ ដុល្លារឡើងទៅ៕

ដោយ៖ ថា ម៉ាលីដា