ខ្លាចខ្លាំងពេក លី ឌីណា ទៅរកគ្រូទាយដើម្បីទប់ស្កាត់បារមីចូលសណ្ឋិត(វីដេអូ)

2018-03-14 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បារមីចូលសណ្ឋិតញឹកញាប់ពេកធ្វើឲ្យស្រីស្អាត លី ឌីណា ខ្លាចរអាទ្រាំលែងបានដល់ថ្នាក់ទៅរកគ្រូទាយដើម្បីឲ្យទស្សន៍ទាយរកមូលហេតុពិត នៃបារមីចូលសណ្ឋិតម្ដងហើយម្ដងទៀតមកលើរូបខ្លួន។

លី ឌីណា បាននិយាយថា ចាប់តាំងពីមានរឿងរ៉ាវបារមីចូលសណ្ឋិត ជាច្រើនលើកច្រើនសារមកនេះ ខ្លួន មិនហ៊ានទៅបន់ស្រន់ ឬ ទៅតំបន់ពូកែស័ក្ដិសិទ្ធិណាមួយចំនឹងថ្ងៃសីលនោះ ព្រោះខ្លាចបារមីមកចូលសណ្ឋិតទៀត។ ហេតុដូច្នេះហើយទើប នាង សម្រេចចិត្តទៅរកគ្រូទាយតាមការណែនាំរបស់ពុកម៉ែបងប្អូន និងមិត្តភ័ក្ដិសិល្បៈមួយចំនួនតែម្ដងទៅ។

មកដល់ផ្ទះគ្រូទាយភ្លាមលោកគ្រូបានទស្សន៍ទាយថា បើមិនចង់ឲ្យបារមីចូលសណ្ឋិតតទៅទៀត នាង ត្រូវទៅទិញឈុតសំលៀកបំពាក់អប្សរាមួយឈុត ថ្វាយជូនបារមីហើយអំឡុងពេលនេះខ្លួនកំពុងតែរៀបចំទិញដាក់ថ្វាយជូនហើយ។

លី ឌីណា បន្តថា៖" ដោយសារតែខ្លាចខ្លាំងហ្នឹងហើយបងទើបខ្ញុំទៅរកគ្រូខ្មែរឲ្យធ្វើខ្សែចង្កេះពាក់ ដាក់ព្រះជាប់តាមខ្លួន និងឲ្យគ្រូទស្សន៍ទាយឲ្យ ព្រោះមិនចង់ខ្មាសគេទេបងអើយ នៅសុខៗខ្ញុំបែរជាចេញក្បាច់រាំមកទទឹងទិសបែបហ្នឹងអីអ្នកណាមិនភ្ញាក់ផ្អើល"។

វីដេអូ លី ឌីណា ត្រូវបារមីចូលសណ្ឋិតក្នុងពេលក្រុងពាលីរឿង "ប្រអប់សំបុត្រចោលទុក្ខ" កាលពីឆ្នាំ២០១៧