ពានរង្វាន់សាកលវិទ្យាល័យវេស្ទើន រួមចំណែកផ្សព្វផ្សាយបាល់ទះកម្ពុជា
- 2018-03-14 07:02:56
- ចំនួនមតិ 0 | ចំនួនចែករំលែក 0
ពានរង្វាន់សាកលវិទ្យាល័យវេស្ទើន រួមចំណែកផ្សព្វផ្សាយបាល់ទះកម្ពុជា
ចន្លោះមិនឃើញ
ពានរង្វាន់បាល់ទះសាកលវិទ្យាល័យវេស្ទើនលើកទី៩ បន្តដំណើរចូលរួមជួយពង្រីក និងផ្សព្វផ្សាយកីឡាមួយនេះឲ្យទូលំទូលាយបន្ថែមទៀត ព្រោះបច្ចុប្បន្ននេះមិនសូវមានការគាំទ្រពីមហាជននោះទេ។
លោក ម៉ុក កុម្ភៈ ប្រធានសេវានិស្សិត និងទីផ្សារនៃសាកលវិទ្យាល័យវេស្ទើន បានឲ្យដឹងថា សាកលវិទ្យាល័យតែងតែចូលរួមលើកស្ទួយវិស័យកីឡានៅកម្ពុជា ដូចជាបាល់ទាត់ បាល់ទះ និងប្រភេទកីឡាមួយចំនួនទៀត។ ជាក់ស្ដែងក៏មានក្រុមកីឡាផ្ទាល់ខ្លួនរបស់សាកលវិទ្យាល័យទៀតផង។
ការបន្តធ្វើពានរង្វាន់សាកលវិទ្យាល័យវេស្ទើនលើកទី៩នេះ គឺគោលបំណងចង់ជួយគាស់កកាយវិស័យកីឡាបាល់ទះ ឲ្យមានគាំទ្រឡើងវិញពីមហាជនទូទៅ ឲ្យងាកមកទស្សនាជួយជំរុញឲ្យមានការរីកចម្រើនថែមទៀត។ ពានរង្វាន់នេះដែរ ក៏ជាការបណ្ដុះសមត្ថភាពកីឡាករកម្រិតវិទ្យាល័យឲ្យខំប្រឹង និងជាការបង្កើនធនធានសម្រាប់ងាយស្រួលដល់ក្លឹបអាជីពធំៗនៅកម្ពុជា រួមនិងជម្រើសជាតិងាយចម្រាញយក។
ពានរង្វាន់សាកលវិទ្យាល័យវេស្ទើន មាន២៣វិទ្យាល័យចូលរួម ដែលចែកជា៤ពូល ហើយត្រូវធ្វើការប្រកួតរហូតដល់ដើម ខែឧសភា ឆ្នាំ២០១៨ ទើបបញ្ចប់។ ម្ចាស់ពានលេខ១ បានប្រាក់រង្វាន់ ១០លានរៀល លេខ២ ប្រាក់រង្វាន់ ៦លានរៀល លេខ៣ ប្រាក់រង្វាន់ ៤លានរៀល និងលេខ៤ ប្រាក់រង្វាន់ ៣លានរៀល ហើយគ្រប់ម្ចាស់ជយលាភីទាំងអស់បានអាហារូបករណ៍ ៥០% ទៀតផង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
