ក្រោយហេតុការណ៍ស្ដោះទឹកមាត់ថ្ងៃមុន អនាគតការងាររបស់ Carragher ត្រូវបានទម្លាយហើយ
- 2018-03-14 13:14:33
- ចំនួនមតិ 0 | ចំនួនចែករំលែក 0
ក្រោយហេតុការណ៍ស្ដោះទឹកមាត់ថ្ងៃមុន អនាគតការងាររបស់ Carragher ត្រូវបានទម្លាយហើយ
ចន្លោះមិនឃើញ
ក្នុងថ្ងៃនេះ ទូរទស្សន៍ Sky បានសម្រេចក្នុងការព្យួរ Jamie Carragherពីការងារជាអ្នកវិភាគបាល់ទាត់ រហូតដល់ចប់រដូវកាលនេះ។
បើតាមសេចក្ដីថ្លែងការណ៍ផ្លូវការរបស់ Sky ដែលដាក់ចេញក្នុងថ្ងៃនេះ បានឲ្យដឹងថា ខ្លួនបានសម្រេចព្យួរវីរបុរសក្លឹប Liverpool លោក Jamie Carragher ពីការងារជាអ្នកវិភាគបាល់ទាត់ រហូតដល់ចប់រដូវកាលនេះ។ ទូរទស្សន៍ Sky បានគូសបញ្ជាក់ទៀតថា ខ្លួននឹងធ្វើគ្រប់យ៉ាង ដើម្បីជួយ Carragherក្នុងការធានាមិនឲ្យហេតុការណ៍ស្ដោះទឹកមាត់ បែបនេះកើតឡើងទៀត។
ទោះជាយ៉ាងណា ទូរទស្សន៍មួយនេះ ក៏បានលើកឡើងផងដែរថា នឹងចរចាជាមួយ អតីតខ្សែការពារ Carragher ក្នុងការបញ្ចប់ការព្យួរនេះ នៅពេលរដូវកាលថ្មីចាប់ផ្ដើម។
សូមបញ្ជាក់ផងដែរថា កាលពីចុងសប្ដាហ៍កន្លងទៅ Carragher បានស្ដោះទៅមាត់ទៅលើ អ្នកគាំទ្របិសាចក្រហមនៅតាមដងផ្លូវ បន្ទាប់ពីអ្នកបើកបរក្នុងរថយន្តដឹកអ្នកគាំទ្រនោះ បានធ្វើការស៊ីផ្លេ និង ស្រែក ២-១ៗ ជាច្រើនលើកដាក់ខ្លួន។
បើតាមការអះអាងរបស់អតីតខ្សែការពារ លោកបានធ្វើបែបនេះ ដោយសារតែ លោកខឹងនឹងអ្នកបើកបរដែលក្នុងឡាននោះ ដែលបានព្យាយាមថតវីដេអូលើរូបលោកជាច្រើនលើកច្រើនសា។
ទោះជាយ៉ាងណា ក្រោយមក Carragher បានធ្វើការសុំទោសចំពោះហេតុការណ៍នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
