UCL ៨ក្រុមចុងក្រោយតិច El Clásico អាចកើតឡើងជាលើកដំបូងទៅ?

2018-03-15 03:55:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Barcelona លត់ Chelsea ជើងទីពីរ ៣-០ កាលពីយប់មិញ បានបន្តដំណើរជាមួយ Real Madrid, Sevilla, Bayern Munich, Manchester City, Liverpool, Roma និង Juventus ទៅកាន់វគ្គ៨ក្រុមចុងក្រោយនៃពានរង្វាន់ធំប្រចាំទ្វីបអឺរ៉ុប UEFA Champions League 2017-18។

ការចាប់ឆ្នោតវគ្គ៨ក្រុម (quarter-finals) នឹងធ្វើឡើងនៅថ្ងៃសុក្រស្អែក ក្នុងទីក្រុង Nyon ប្រទេសស្វីស។ កាលពីជុំ១៦ក្រុម តាមច្បាប់បានចែងថា ក្លឹបមកពីលីគតែមួយមិនអាច លេងទល់ជាមួយគ្នាបានទេ ប៉ុន្តែសម្រាប់វគ្គ៨ចុងក្រោយ មិនខ្វល់ថា ក្លឹបមកពីលីគណាទេ ចាប់ប៉ះក្រុមណាលេងជាមួយក្រុមនឹង។

ដូច្នេះជំនួប El Clásico រវាង Barcelona និង Real Madrid អាចកើតឡើងគ្រប់ពេលវេលា។ យ៉ាងណាក្នុងវគ្គនេះនៅ UCL ក្រុមទាំងពីរមិនដែលប៉ះគ្នាទេ។ ក្រុមទាំងពីរជួបគ្នាលើកចុងក្រោយនៅ UCL កាលពីឆ្នាំ២០១១ វគ្គពាក់កណ្ដាលផ្ដាច់ព្រ័ត្រពេលនោះ Barca ជាអ្នកឈ្នះ និងបន្តយកឈ្នះ Manchester United វគ្គផ្ដាច់ព្រ័ត្រ។ ៨ក្រុមចុងក្រោយ ឃើញថា ក្លឹបមកពីអេស្ប៉ាញនៅសល់៣ ខណៈក្លឹបអង់គ្លេសដែលគេរំពឹងខ្ពស់ឆ្នាំនេះសល់តែ២ទេ៕