គ្រូបង្វឹកបឹងកេត ប្រាប់ចំណុចខ្សោយធ្វើឱ្យក្រុមចាញ់ធ្ងន់ករ ៩-០ ៦-០ ក្រៅដី
- 2018-03-15 04:52:42
- ចំនួនមតិ 0 | ចំនួនចែករំលែក 0
គ្រូបង្វឹកបឹងកេត ប្រាប់ចំណុចខ្សោយធ្វើឱ្យក្រុមចាញ់ធ្ងន់ករ ៩-០ ៦-០ ក្រៅដី
ចន្លោះមិនឃើញ
លោក កែវ កុសល គ្រូបង្វឹកក្រុមបឹងកេតបានបង្ហាញចំណុចអវិជ្ជមានដែលធ្វើឱ្យក្រុមបរាជ័យចត់បាយ ក្នុងការលេងក្រៅដីពានរង្វាន់ AFC Cup វគ្គសន្សំពិន្ទុក្នុងពូល។
លោកបានបញ្ជាក់ថាវាពិតជារឿងសោកស្ដាយខ្លាំងដែលក្រុមលេងល្អក្នុងដី ប៉ុន្តែចេញក្រៅដីវិញ បែរជាត្រូវក្រុមគេស៊ីច្រើនគ្រាប់ រាប់មិនចង់អស់យ៉ាងនេះ។ គ្រូបង្វឹកថ្មីម្នាក់នេះបន្ដថាមានកត្តាច្រើន ក្នុងការចាញ់ក្រៅដី តួយ៉ាងដូចជា បញ្ហាកម្លាំង ការហូបចុកធ្វើដំណើរ និងការរៀបចំទម្រង់លេងជាដើម។ ដូចចាញ់ ៦-០ យប់នេះ លោកមើលឃើញកីឡាករលេងល្អត្រឹម១តង់ប៉ុណ្ណោះ ខណៈដែលចូលដល់តង់ទី២ ពួកគេគ្មានកម្លាំងរត់ប្រជែងបាល់ឡើយ ដូច្នេះហើយទើបបានជាមិនអាចស៊ុតចំគោលដៅសូម្បី១ជើង។
មួយវិញទៀត ការធ្វើដំណើរ និងកាលវិភាគប្រកួតញឹកពេកក៏ជាកត្តាមួយធ្វើឱ្យក្រុមរងបរាជ័យដែរ។ ពួកគេនឿយហត់ចំពោះការប្រកួតកៀកគ្នាពេក ដែលធ្វើឱ្យស្មារតីមិនមូល លេងមិនបានល្អ។ ទម្រង់ក្រុមហាក់ដូចជាធ្លាក់ចុះពេលលេងក្រៅដី មិនដូចនៅពហុកីឡដ្ឋានជាតិឡើយ។ ស្របពេលដែលក្រុមម្ចាស់ផ្ទះគេមានទំនុក ធ្វើបានល្អផងនោះ ទើបបណ្ដាលឱ្យបឹងកេតពិបាករកគ្រាប់បាល់ និងតែងតែចាញ់ធ្ងន់ករនៅក្រៅដីនេះ។
២ប្រកួតក្រៅដីរបស់បឹងកេត ក្នុងពានរង្វាន់ខាងលើនេះ ចាញ់ក្រុម Ceres Negros ៩-០ និងចាញ់ក្រុម Home United ៦-០។ ចំណែកឯ២ប្រកួតក្នុងដីវិញ ពួកគេចាញ់ក្រុម Shane United ២-១ និងឈ្នះក្រុម Home United ៣-២ នៅពហុកីឡដ្ឋានជាតិ៕