មូលហេតុសំខាន់នេះហើយ ទើបព្រៃកោងកាងជាង១៣ហិកតា ក្លាយជាសម្បត្តិរដ្ឋវិញ
- 2018-03-15 04:51:59
- ចំនួនមតិ 0 | ចំនួនចែករំលែក 0
មូលហេតុសំខាន់នេះហើយ ទើបព្រៃកោងកាងជាង១៣ហិកតា ក្លាយជាសម្បត្តិរដ្ឋវិញ
ចន្លោះមិនឃើញ
ក្រោយផ្ទះព័ត៌មានជុំវិញរឿង បូមខ្សាច់ចាក់លុបបំពេញដី ពីសំណាក់ក្រុមហ៊ុនឯកជនជាបន្តបន្ទាប់ ពេលនេះតំបន់ព្រៃកោងកាងប្រមាណជាង១៣ហិកតា នៃតំបន់ដែនជម្រកសត្វព្រៃពាមក្រសោប ក្នុងខេត្តកោះកុងបានដកជាសម្បត្តិរដ្ឋវិញហើយ។ នេះជាការសម្រេច របស់រាជរដ្ឋាភិបាលតាមសំណើរបស់ក្រសួងបរិស្ថាន។
រដ្ឋាភិបាលបានដកដីតំបន់ខាងលើពីម្ចាស់កម្មសិទ្ធឈ្មោះសុខ គីមហុង និងឈ្មោះមាស ស៊ីវជូ បន្ទាប់ពីទទួលបានសំណើរបស់ស្ថាប័នរដ្ឋធំៗ២គឺក្រសួងបរិស្ថាន និងទីស្តីការគណៈរដ្ឋមន្រ្តី។ ការសម្រេចរឹបអូសដីព្រៃកោងកាងមកធ្វើជាសម្បត្តិរដ្ឋវិញនេះ ត្រូវធ្វើឡើងដោយឆ្លើយតបទៅនឹងសំណើរបស់ក្រសួងបរិស្ថានដែលចុះនៅថ្ងៃទី០៦ ខែមីនា ឆ្នាំ២០១៨ ទាក់ទងទៅនឹងរបាយការណ៍ស្តីពីករណីបូមខ្សាច់ចាក់លុបបំពេញដី ក្នុងតំបន់ព្រៃកោងកាង នៃដែនជម្រកសត្វព្រៃពាមក្រសោប ខេត្តកោះកុង ជាង១៣ហិកតា ដែលក្នុងនោះ ដីទំហំ ៣,១១ហិកតា (បីហិកតា និងដប់មួយអា) បានបូមខ្សាច់ចាក់បំពេញ ស្ថិតនៅក្នុងភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ។
លិខិតរបស់ទីស្តីការគណៈរដ្ឋមន្ត្រីនេះ ក៏បានបញ្ជាក់ឲ្យម្ចាស់ដី ឈ្មោះ សុខ គីមហុង និងមាស ស៊ីវជូ ត្រូវស្នើសុំប្រើប្រាស់ចំណែកដី ដែលស្ថិតនៅក្នុងតំបន់សហគមន៍ នៃដែនជម្រកសត្វព្រៃពាមក្រសោប តាមនីតិវិធីមកក្រសួងបរិស្ថាន ដោយអនុលោមតាមច្បាប់ ស្តីពីតំបន់ការពារធម្មជាតិ និងច្បាប់ភូមិបាល ។
គួររំលឹកថាកាលពីអំឡុងទសវត្សឆ្នាំ១៩៩០កន្លងទៅព្រៃដើមកោងកាងធ្លាប់រងការកាប់យកទៅធ្វើធ្យូងនិងវាទយកដីយ៉ាងធ្ងន់ធ្ងរស្ទើរតែផុតពូជ។ តំបន់សហគមន៏ដែនជម្រកសត្វព្រៃពាមក្រសោមមានទីតាំងនៅស្ថិតនៅក្នុងភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង៕