តារាអ៊ីនធឺណិតម្នាក់ចំណាយប្រាក់ខ្ទង់ម៉ឺនដុល្លារ ដើម្បីបានមុខមាត់ដូចតុក្កតា Barbie

2018-03-16 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីកូនកាត់ចិនម្នាក់មកពីទីក្រុង Los Angeles បានចំណាយប្រាក់ប្រមាណ ៤ ពាន់ដុល្លារលើការវះកាត់ត្របកភ្នែករបស់នាងឲ្យធំ ហើយឥឡូវនេះនាងមានគម្រោងវះកាត់ឆ្អឹងជំនីរចោលខ្លះបន្ថែមទៀត ដើម្បីឲ្យមានរូបរាងដូចជាតុក្កតា Barbie។

តារាប្រចាំបណ្ដាញសង្គមម្នាក់ឈ្មោះ Ophelia Vanity មានវ័យ ៣០ឆ្នាំ បានចំណាយប្រាក់ជាង ៣៥ ០០០ដុល្លារដើម្បីឲ្យមានស្បែកខ្លាំង ព្រមទាំងធ្វើច្រមុះ និងចាក់បំពេញមុខមាត់ឲ្យដូចមុខតុក្កតា។

តារារូបនេះដែរ ចាប់ផ្ដើមទាក់ទាញចំនួនអ្នកតាមដានយ៉ាងហោចណាស់ ៧៦ ០០០ នាក់លើ Instagram នៅពេលដែលនាងចែកចាយរូបរាងក្រោយវះកាត់រួចនោះ។

នាងបានពន្យល់ថា នាងពិតជាពេញចិត្តនឹងរូបរាងរបស់តុក្កតា Barbie ខ្លាំងណាស់ ហើយនាងមិនសោកស្ដាយនោះទេ នៅពេលដែលនាងកែប្រែខ្លួនឲ្យដូចជាអ្វីដែលនាងប៉ង ទោះបីជាមានមនុស្សរើសអើងនាងក៏ដោយ។

គួរបញ្ជាក់ដែរថា ទោះបីជារូបរាង និងមុខមាត់របស់នាងមានការផ្លាស់ប្ដូរច្រើនហើយយ៉ាងណាក្ដី ក៏ Ophelia នៅតែចង់បន្តពង្រីកដើមទ្រូង និងត្រគាកបន្ថែម ហើយចាក់ស្បែកឲ្យកាន់តែសជាងនេះទៀត។ មួយវិញទៀត នាងក៏មានគម្រោងចង់កាត់ឆ្អឹងជំនីរ ៤ ទៅ៦កង់ចោលដែរ៕