តើមានរឿងអ្វីឲ្យពិតប្រាកដកើតឡើងរវាង Justin និង Selena?
- 2018-03-16 03:20:00
- ចំនួនមតិ 0 | ចំនួនចែករំលែក 0
តើមានរឿងអ្វីឲ្យពិតប្រាកដកើតឡើងរវាង Justin និង Selena?
ចន្លោះមិនឃើញ
ទោះបីជាអ្នកទាំងពីរកំណត់ពេលបែកគ្នាមួយរយៈពេលក្ដី ក៏គូស្នេហ៍ Justin Bieber និង Selena Gomez នៅតែមានមធ្យោបាយទំនាក់ទំនងរវាងគ្នានិងគ្នាមិនដាច់ឡើយ នេះបើតាមការរាយការណ៍របស់សារព័ត៌មាន E!New។
តារាទាំងពីររូបបានត្រលប់មកត្រូវគ្នាវិញកាលពីរដូវស្លឹកឈើជ្រុះឆ្នាំមុន ៣ឆ្នាំក្រោយពួកគេបែកបាក់គ្នា។ ៣ឆ្នាំនេះគឺក្រោយពេលពួកគេតែងតែទាក់ទងគ្នា ដូចអំពិលអំពែកម្ដងត្រូវគ្នាម្ដងឈ្លោះគ្នា ហើយចំពោះពេលនេះមានប្រភពជាច្រើនបានបញ្ជាក់ថាអ្នកទាំងកំពុងតែចំណាយពេលវេលាបែកគ្នាមួយរយៈ។
ប៉ុន្តែទោះជាយ៉ាងណាក៏ដោយ "ពួកគេនៅតែទាក់ទងនិងនិយាយគ្នាទៅវិញទៅមក" នេះបើតាមប្រភពមួយប្រាប់ E!News ជាពិសេស កាលពីថ្ងៃព្រហស្បតិ៍ម្សិលមិញនេះ។ ប្រភពដដែលនេះបន្តទៀតថា៖ "ពួកគេព្យាយាមកាត់បន្ថយពេលនៅជាមួយគ្នាខ្លះ ព្រោះមិនចង់ឲ្យមានរឿងធំដុំ"។
ប្រភពនោះបន្ត៖ “ពួកគេមានចំណុចមិនយល់ស្របនឹងគ្នាខ្លះៗ ចំពោះបែបបទនៃការរស់នៅ ជាពិសេសចំពោះទំនាក់ទំនងស្នេហាអ្នកទាំងពីរ មកកាន់សាធារណជន។ Selena ចង់ឲ្យអ្វីៗទាំងអស់គឺធម្មតាៗ មិនលេចធ្លោពេក និងជៀសចេញពីពិភពខាងក្រៅ ខណៈ Justin ចង់ឲ្យជីវិតគេលេចធ្លោដូចជាជប់លៀងញឹកញាប់ជាដើម។" នាងបានចំណាយពេលវេលាជាច្រើនជាមួយគ្រួសារនិងមិត្តភក្ដិនាង។ នាងតែងតែទៅព្រះវិហារ ប៉ុន្តែនៅរក្សាខ្សែទូរស័ព្ទជាមួយ Justin។ នេះគឺជាការអនុវត្តមធ្យោបាយថ្មីមួយ ដើម្បីប្រមើលមើលពីទំនាក់ទំនងរបស់អ្នកទាំងពីរ អំពីគោលដៅពួកគេទៅថ្ងៃអនាគត។"
ដូច្នេះអ្នកទាំងពីរមិនទាន់បែកគ្នាទាំងស្រុងនោះទេ ដោយគ្រាន់តែត្រូវការពេលវេលាឃ្លាតគ្នាមួយរយៈប៉ុណ្ណោះ ដោយនៅតែទាក់ទងគ្នាជាធម្មតាតាមបណ្ដាញអេឡិចត្រូនិក៕
អានអត្ថបទ៖
មកដឹងត្រួសៗពីយានជំនិះ Justin Bieber ធ្លាប់កាន់កាប់
លទ្ធផលពីការទស្សន៍ទាយជីវិតគូរបស់ Selena Gomez និង Justin Bieber តាមក្បួនលោកខាងលិច