Pope ហ៊ានញ៉ែ Bella ធ្វើសង្សារអត់ បើនាងនៅទំនេរ?
- 2018-03-16 06:16:40
- ចំនួនមតិ 0 | ចំនួនចែករំលែក 0
Pope ហ៊ានញ៉ែ Bella ធ្វើសង្សារអត់ បើនាងនៅទំនេរ?
ចន្លោះមិនឃើញ
តួឯកប្រុសស្រីក្នុងរឿង "បុព្វេសន្និវាស” ពិតជាធ្វើឲ្យទស្សនិកជនទាំងអស់អត់ទ្រាំមិនសរសើរមិនបាន ពេលបានឃើញការសម្ដែងពោរពេញទៅដោយទេពកោសល្យ ចេញពីធម្មជាតិពិតៗ រហូតមានមតិភាគច្រើនលើកឡើងថា ពួកគេស័ក្ដិសមគ្នាទៀតផង។
Pope Thanawat និង Bellla Ranee បានក្លាយជាដៃគូតារាសម្ដែងដែលសមគ្នាឥតខ្ចោះ ក្រោយរួមគ្នាថតរឿង "បុព្វេសន្និវាស" របស់ប៉ុស្តិលេខ ៣ថៃ ដល់ថ្នាក់ទស្សនិកជនខ្លះលាន់មាត់ថា បើជាគូស្នេហ៍ពិតនឹងគ្នាពិតជាល្អណាស់។ ប៉ុន្តែគួរឲ្យស្ដាយ Bella មានម្ចាស់បេះដូងរួចទៅហើយ គឺតារាសម្ដែង Weir Sokullawat ដូចនេះកំលោះ Pope មិនអាចស្នេហ៍បានទេ។
ដោយឡែក ក្នុងបទសម្ភាសមួយ តួប្រុស ឃុនមឿនរូបនេះ ត្រូវអ្នកសារព័ត៌មានសួរថា ដរាបណា Bella មិនទាន់រៀបការ តើលោក និងនាង អាចក្លាយជាគូស្នេហ៍ពិតនឹងគ្នាដែរទេ? គ្រាន់តែឮសំណួរនេះ Pope ឆ្លើយយ៉ាងលឿនថា លោកធ្វើមិនបានទេ។ លោកខ្លាចសាច់ដុំធំៗរបស់សង្សារ Bella (Weir) ណាស់។
តារាប្រុសវ័យ ៣៥ឆ្នាំរូបនេះ បញ្ជាក់ថា ខ្លួនមិនដែលគិតអ្វីផ្សេងជាមួយ Bella នៅក្រៅសាច់រឿងនោះទេ ព្រោះនោះគ្រាន់ជាការសម្ដែងប៉ុណ្ណោះ។ មួយវិញទៀតលោកក៏ជឿជាក់ថា Weir មិនកើតចិត្តប្រច័ណ្ឌដែរ។
អ្វីដែលកាន់តែគួរឲ្យចាប់អារម្មណ៍មួយទៀតបានផ្ទុះឡើង នៅពេលដឹងថាតារាសម្ដែងស្រីក្នុងរឿងដែលលោកចាប់អារម្មណ៍គឺ Susira ទៅវិញទេ ប៉ុន្តែក៏មិនអាចស្រឡាញ់ក្នុងនាមជាគូស្នេហ៍បានដែរ ព្រោះនាងក៏មានគូគាប់រួចហើយដែរ។ Pope បញ្ជាក់ថា ខ្លួនមិនបានញ៉ែផ្ដោះផ្ដងពាក្យសម្ដីអ្វីវែងឆ្ងាយជាមួយ Susira ដែរ គ្រាន់តែនិយាយថា នារីមានចរិតដូចនាង ជាប្រភេទនារីដែលលោកចូលចិត្ត៕