រសៀលនេះ គ្រូ ភា សុភ័ក្ត្រា នាំទ័ពទៅលេងទឹកដីអាស៊ីអឺរ៉ុបនៅអរិយក្សត្រ

2018-03-16 23:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃសៅរ៍នេះឈានដល់សប្តាហ៍ទី៣នៃលីគបាល់ទាត់កំពូលកម្ពុជាហើយដោយមាន៣គូលេងនៅលើ៣ទីលានផ្សេងគ្នា។ តើក្រុមណានឹងទទួលបាន៣ពិន្ទុបន្ថែមទៀត?

ក្រុមអាស៊ីអឺរ៉ុបត្រូវបើកទ្វារកីឡដ្ឋាន AEU Sport Park របស់ខ្លួននៅអរិយក្សត្រដើម្បីទទួលស្វាគមន៍ក្រុមខ្លាំងក្រសួងការពារជាតិវេលាម៉ោង៣រសៀល។ ក្រុមទាំង២ទទួលបាន៣ពិន្ទុដូចគ្នា បន្ទាប់ពីឈ្នះ១ និងចាញ់១ដូចគ្នាសម្រាប់ពីរសប្តាហ៍កន្លងទៅ។

ការប្រកួតសប្តាហ៍ទី១ អាស៊ីអឺរ៉ុបបានចាញ់ក្រុមការពារតំណែងជើងឯក បឹងកេតដោយលទ្ធផលប្រផុតប្រផើយ ៣-៤។ ចំពោះសប្តាហ៍ទី២ ក្រុមសាកលវិទ្យាល័យមួយនេះទទួលបានជោគជ័យលើក្រុមសូទីលូអង្គរដោយលទ្ធផល ២-១។ កីឡាករបរទេសចាស់វស្សានៅលីគកម្ពុជាបានក្លាយជាតួសំខាន់របស់អាស៊ីអឺរ៉ុប ប៉ុន្តែតំបន់ការពារនៅមិនទាន់រឹងមាំល្អឡើយ។

លោក សុខ វាសនា

លោក សុខ វាសនា គ្រូបង្វឹកអាស៊ីអឺរ៉ុបបាននិយាយថា លោកទទួលស្គាល់ក្រុមទ័ពទាំងកីឡាករខ្មែរ និងបរទេសមានលក្ខណៈល្អប្រសើរជាងអាស៊ីអឺរ៉ុប ដូច្នេះច្បាស់ណាស់ លោកនឹងប្រើទម្រង់ការពារដើម្បីវាយបកវិញ។ លោកបញ្ជាក់ថា កម្លាំងរបស់ក្រុមលោកចុះថយនៅចុងវគ្គទី២ ប៉ុន្តែបានពង្រឹងរហូតបានជោគជ័យក្នុងសប្តាហ៍ទី២។ ចំពោះខ្សែប្រយុទ្ធវិញ ក្រុមរបស់លោកល្អប្រសើរ។

ក្រុមក្រសួងការពារជាតិ

ការសប្ដាហ៍ទី១ ក្រុមទ័ពនេះបាន៣ពិន្ទុពីការឈ្នះអង្គរថាយហ្គឺរ១-០នៅទឹកដីខេត្តសៀមរាប ប៉ុន្តែបែរជាចាញ់ភ្នំពេញក្រោន ២-០ ក្នុងសប្ដាហ៍ទី២នៅពហុកីឡដ្ឋានជាតិ។ មើលតាមទម្រង់លេង២សប្ដាហ៍កន្លងទៅ តំបន់ជួរមុខរបស់ទ័ព និងតំបន់ការពារល្អ ប៉ុន្តែតំបន់បម្រើមិនទាន់ល្អឡើយខណៈការគ្រប់គ្រងបាល់ក៏មិនបានយូរ។

លោក ភា សុភ័ក្ត្រា

លោក ភា សុភ័ក្ត្រា គ្រូបង្វឹកក្រសួងការពារជាតិបាននិយាយថា ខ្សែបម្រើទាំងសងខាងរបស់ទ័ពមិនទាន់លេងត្រូវតាមអ្វីដែលលោកចង់បានឡើយ ដូច្នេះលោកព្យាយាមបង្កើនការហ្វឹកហាត់តំបន់បម្រើដើម្បីឲ្យល្អប្រសើរ៕

២គូផ្សេងទៀតសម្រាប់ថ្ងៃនេះ