ក្ដៅ! លទ្ធផលចាប់ឆ្នោតវគ្គ ៨ ក្រុម Champions League ចេញហើយ
- 2018-03-16 11:16:56
- ចំនួនមតិ 0 | ចំនួនចែករំលែក 0
ក្ដៅ! លទ្ធផលចាប់ឆ្នោតវគ្គ ៨ ក្រុម Champions League ចេញហើយ
ចន្លោះមិនឃើញ
អម្បាញ់មិញនេះ ការចាប់ឆ្នោតវគ្គ ៨ ក្រុម Champions Leagueទើបត្រូវបានធ្វើឡើង។
ការចាប់ឆ្នោតវគ្គ ៨ក្រុម កម្មវិធី Champions League ទើបបានបញ្ចប់ ហើយលទ្ធផលមានដូចតទៅ៖
Barcelona vs Roma៖ ក្នុងរដូវកាលនេះក្លឹបទាំងពីរ សុទ្ធតែបានបញ្ចប់វគ្គ Group Stage ដោយឈរលេខ ១ ក្នុងពូល របស់ខ្លួនរៀងៗខ្លួន (Roma ពូល C ឯ Barcelona ពូល D) ។ នៅវគ្គ ១៦ ក្រុម Barcelona បានលេង ស្មើ ១-១ ពេលប៉ះជាមួយ Chelsea ក្នុងជើង ទី ១ ប៉ុន្តែបានយកឈ្នះដល់ទៅ ៣-០ នៅជើងទី ២។ ចំណែកឯ Roma វិញ ក្នុងវគ្គដូចគ្នា បានលេងចាញ់ ១ ទល់នឹង ២ ពេលប៉ះក្លឹប Shakhtar Donetsk នៅជំនួបជើងទី១ នៅអ៊ុយក្រែន។ ទោះជាយ៉ាងណាក្លឹបអ៊ីតាលី បានយកឈ្នះ ១-០ វិញ នៅដីខ្លួនឯង ដែលលទ្ធផលនេះ ជួយឲ្យក្លឹបឡើងវគ្គ ៨ ក្រុម តាមគោលការណ៍ Away Goal។
Sevilla vs Bayern Munich៖ ក្លឹប Bayern (ពូល B) និង ក្លឹបអេស្ប៉ាញ Sevilla (ពូល E) បានបញ្ចប់វគ្គពូល ត្រឹមលេង ២ ទាំងពីរ ក្នុង Champions League លើកនេះ។ នៅវគ្គ ១៦ ក្រុម Bayern ប៉ះ ក្លឹបទួរគី Besiktas ខណៈ Sevilla ជួប Manchester United។ ក្លឹបយក្សអាល្លឺម៉ង់ Bayern បានបំបាក់ Besiktas ដល់ទៅ ៥-០ នៅជើងទី ១ ហើយថែមបានបន្តឈ្នះ ៣-១ ទៀតនៅជើងទី ២។ Sevilla វិញ លេងបានត្រឹមស្មើ ០-០ ពេលប៉ះបិសាចក្រហមនៅជើងទី ១ ប៉ុន្តែបានយកឈ្នះ ២-១ នៅទឹកដី Old Trafford។
Juventus vs Real Madrid៖ ដូចគូ Sevilla-Bayern ដែរ ក្លឹបទាំងពីរបានឈរត្រឹមលេង ២ ប៉ុណ្ណោះ ក្នុងវគ្គ Group Stage ( Juventus ពូល D ឯ Real Madrid ពូល H) ។ Juventus បានជួបជាមួយក្លឹប Tottenham Hotspur នៅវគ្គ ១៦ក្រុម ចំណែកក្លឹបអធិរាជសអេស្ប៉ាញប៉ះជាមួយ PSG។ នៅជើងទី ១ Juventus លេងបានត្រឹមស្មើ ២-២ ជាមួយ Spurs ក្នុងដីខ្លួនឯង ប៉ុន្តែ បានឈ្នះ ២-១ នៅជើងទី២ ដែលធ្វើឡើងនៅអង់គ្លេស។ Real Madrid វិញ បានយក ៣-១ លើ ក្លឹបអ្នកមាន PSG នាជំនួបលើកទី ១ វគ្គ ១៦ក្រុម និងប៉ុន្តែ ឈ្នះ ២-១ ទៀតនៅជើងទី ២។ សូមបញ្ជាក់ផងដែរ ថា Juventus និង Real Madrid ទើបតែប៉ះគ្នា វគ្គផ្ដាច់ព្រ័ត្រ Champions League រដូវកាលមុនប៉ុណ្ណោះ។ កាលនោះ Real ឈ្នះ Juventus ៤-១។
Liverpool vs Manchester City៖ ដូចគូ Barcelona-Roma ក្លឹបអង់គ្លេសទាំងពីរ សុទ្ធតែឈរលេខ ១ ក្នុងពូលខ្លួន (Liverpool ពូល E ឯ Manchester City ពូល F)។ នៅវគ្គ ១៦ ក្រុម Liverpool បានឈ្នះសរុបទាំងពីរជើង ៥-០ លើ Porto ខណៈ Manchester City បំបាក់ក្លឹបស្វីស Basel ក្នុងលទ្ធផលសរុប ៥-២។
ការប្រកួតជើងទី ១ នឹងធ្វើឡើងនៅថ្ងៃទី ៣ ឬ ៤ ខែមេសា ខណៈជំនួបជើងទី ២ នៅថ្ងៃទី ១០ ឬ ១១ ខែមេសា ខាងមុខ៕