Morata ធ្លាក់ពីជម្រើសជាតិអេស្ប៉ាញ ខណៈកីឡាករ Real ជាប់ដល់៦នាក់

2018-03-17 02:08:15
ចំនួនមតិ 0 | ចំនួនចែករំលែក 0

ចន្លោះមិនឃើញ

Alvaro Morata មិនត្រូវបានកោះហៅឲ្យចូលជម្រើសជាតិអេស្ប៉ាញលេងមិត្តភាពក្នុងខែនេះជាមួយអាល្លឺម៉ង់ និងអាហ្សង់ទីនទេ មុនទៅលេងព្រឹត្តិការណ៍ World Cup នាប្រទេសរុស្សី។

កត្តាដែលកីឡាករវ័យ២៥ឆ្នាំមិនបានហៅចូលជម្រើសជាតិ ដោយសារមួយរយៈចុងក្រោយ ហាក់ធ្លាក់ជើងខ្លាំង។ ជាក់ស្ដែងការប្រកួតជើងទីពីរ UCL ជាមួយ Barcelona គេបានត្រឹមជាកីឡាករបម្រុងពីក្រោម Olivier Giroud និងបានប្ដូរចូលនាទី២៥។ យ៉ាងណានៅតែមិនអាចជួយស្រោចស្រង់ឲ្យ Chelsea ឈ្នះបានឡើយ។

សម្រាប់ឆ្នាំ២០១៨ Morata មិនទាន់រកគ្រាប់បាល់បានមួយគ្រាប់ឡើយ ហើយ៣ប្រកួតចុងក្រោយគេអង្គុយជាកីឡាករបម្រុងរហូត។ ចំពោះក្លឹបដែលមានកីឡាករជាប់ជម្រើសជាតិអេស្ប៉ាញច្រើនជាងគេក្នុងយុទ្ធនាការលេងមិត្តភាពនេះគឺ Real Madrid មាន៦រូប។ ក្នុងនោះមាន Carvajal, Nacho, Ramos, Asensio, Lucas Vazquez និង Isco៕