តារាសម្ដែង៣ប្រទេសប៉ះគ្នា កម្ពុជា-ថៃ-ឡាវ ធ្វើឲ្យផលិតករចាយទុនអស់២សែនដុល្លារ
- 2018-03-17 02:35:14
- ចំនួនមតិ 0 | ចំនួនចែករំលែក 0
តារាសម្ដែង៣ប្រទេសប៉ះគ្នា កម្ពុជា-ថៃ-ឡាវ ធ្វើឲ្យផលិតករចាយទុនអស់២សែនដុល្លារ
ចន្លោះមិនឃើញ
ផលិតកម្មមហាហង្សបានធ្វើពិធីសម្ពោធដាក់បញ្ចាំងជាផ្លូវការភាពយន្តខ្នាតធំរឿង"អនុស្សាវរីយ៍ថ្ងៃចូលឆ្នាំ"របស់ខ្លួននៅរោងភាពយន្ត Legend Premium Exchange square ដោយមានការចូលរួមពីតារាសម្ដែងកម្ពុជា- ថៃ និងឡាវ កាលពីល្ងាចមិញនេះ។
លោក អ៊ិន សុភិន អគ្គនាយកផលិតកម្មមហាហង្សបានលើកឡើងថា ភាពយន្តខ្នាតធំរឿង "អនុស្សាវរីយ៍ថ្ងៃចូលឆ្នាំ" ដែលមានតារា៣ប្រទេសចូលរួមសម្ដែងជាមួយគ្នា កម្ពុជា- ថៃ- និងឡាវ លោក និងផលិតករថៃបានចូលហ៊ុនគ្នានូវទឹកប្រាក់ចំនួន ២០ ម៉ឺនដុល្លារអាមេរិក ក្នុងការផ្ដិតយកទិដ្ឋភាពសំខាន់ៗនៃប្រទេសទាំង៣។
ទោះបីជាចាយទុនអស់២ សែនដុល្លារអាមេរិកក្នុងការផលិតរឿង "អនុស្សាវរីយ៍ថ្ងៃចូលឆ្នាំ"ក្ដីលោក អ៊ិន សុភិន មិនបានព្រួយបារម្ភអំពីបញ្ហាខាតនោះទេ ផ្ទុយទៅវិញលោកជឿជាក់ នឹងសង្ឃឹមថាភាពយន្តខ្នាតធំមួយនេះនិងមានការគាំទ្រពីទស្សនិកជននៅពេលដាក់បញ្ចាំងនៅរោងកុន។
លោកថា៖" មូលហេតុដែលខ្ញុំជឿជាក់ និងសង្ឃឹមដូច្នេះថាមានការគាំទ្រពីពុកម៉ែបងប្អូន ព្រោះក្នុងរឿងនេះប្រជុំដោយកំពូលតារាសម្ដែង៣ប្រទេសប៉ះគ្នា បង្ហាញពីវប្បធម៌ប្រពៃណីស្រដៀងគ្នាក្នុងថ្ងៃចូលឆ្នាំរបស់ប្រទេសទាំង៣"។
រឿង"អនុស្សាវរីយ៍ថ្ងៃចូលឆ្នាំ" ជាប្រភេទរឿងស្នេហាអូនបង លាយឡំជាមួយឈុតឆាកកំប្លែង សើចតាំងពីដើមដល់ចប់ជាមួយអត្ថន័យអប់រំជាច្រើននៅក្នុងរឿង ដោយមានការចូលរួមសម្ដែងដោយលោក ខាត់ វៃ ហាំង អ្នកនាង ណាតតាទីដា ដាំរ៉ុងវិសិដ្ឋផេត លោក ឆាគ្រី ព្រមទាំងតារាសម្ដែងប្រុសស្រីជាច្រើនរូបទៀត។
រឿង"អនុស្សាវរីយ៍ថ្ងៃចូលឆ្នាំ" នឹងត្រូវដាក់បញ្ចាំងគ្រប់រោងភាពយន្តទំនើបៗក្នុងរាជធានីភ្នំពេញនៅថ្ងៃទី ២២ ខែ មីនា ឆ្នាំ ២០១៨ ខាងមុខនេះហើយ៕