ស្វាមី សុគន្ធ នីសា ជួបគ្រោះថ្នាក់ចរាចរណ៍យប់មិញ(វីដេអូ)

2018-03-17 03:31:03
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីវេលាម៉ោង២យប់រំលងអាធ្រាត្រឈានចូលថ្ងៃទី១៧ ខែ មីនា ឆ្នាំ ២០១៨ រថយន្ត Range Rover មួយគ្រឿងបើកបរដោយលោក ចៅ សម្បត្តិ ឬ ហៅថា សាំបា ត្រូវជាស្វាមីតារាចម្រៀង សុគន្ធ នីសា បានបើកបុកម៉ូតូ Dream 125C ស្ថិតនៅតាមផ្លូវ ១៦៨ ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។

អ្នកឃើញហេតុការណ៍បានឲ្យដឹងថា មុនពេលកើតហេតុ រថយន្ត Rang Rover ពាក់ស្លាកលេខភ្នំពេញ V2-9779 បើកបរដោយស្វាមី សុគន្ធ នីសា បានបើករ៉េពេញផ្លូវលុះបើកមកជិតដល់វិមានឯករាជ្យ ក៏ជ្រុលទៅបុកម៉ូតូមួយគ្រឿង ដែលចតចោលនៅលើផ្លូវបណ្ដាលឲ្យខូចខាតយ៉ាងដំណំផងដែរ។

ក្រោយពីបុកហើយ ស្វាមី សុគន្ធ នីសា ដែលជាម្ចាស់រថយន្តមិនបានឈប់ទេលោក បែរជាព្យាយាមបើករត់គេចរហូតដល់ស្ពាននាគទើបអ្នកឃើញហេតុការបើកម៉ូតូដេញទាន់ ហើយក៏ប្រាប់សមត្ថកិច្ចទៅយកមកកាន់កន្លែងកើតហេតុ។

មកដល់កន្លែងកើតហេតុភ្លាមលោក ចៅ សម្បត្តិ ដែលជាជនបង្កបានចរចាជាមួយជនរងគ្រោះ សងសំណងទៅម្ចាស់ម៉ូតូចំនួន ៤៥០ ដុល្លារអាមេរិកដើម្បីបញ្ចប់រឿងតែម្ដងទៅ៕