ព័ត៌មានរៀបការរបស់ តាវ មិញស៊ឺ ជាមួយគូស្នេហ៍ចាស់វស្សាកក្រើកពេញសិល្បៈហើយពេលនេះ

2018-03-17 04:18:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលនេះបណ្ដាញផ្សព្វផ្សាយចិនកំពុងនាំគ្នាចុះផ្សាយព្រោងព្រាតពីដំណឹងរៀបការរបស់អតីតសមាជិកក្រុម F4 តារាសម្ដែង Jerry Yan (តាវ មិញស៊ឺ) ជាមួយគូស្នេហ៍ Lin Chi Ling។

ដំណឹងនេះបានធ្វើឲ្យអ្នកគាំទ្រជាច្រើនមានការភ្ញាក់ផ្អើលគ្រប់គ្នា ហើយស្ទើរមិនអាចរង់ចាំថ្ងៃនោះមកដល់ទៀតផង។ តាមប្រភពព័ត៌មានពីសារព័ត៌មានទាំងនោះ បានឲ្យដឹងថា មង្គលការរបស់គូស្នេហ៍មួយនេះ នឹងប្រារព្ធឡើងនៅសណ្ឋាគារ AYANA ស្ថិតលើកោះបាលី ប្រទេសឥណ្ឌូណេស៊ី នាចុងខែមីនានេះ។

មួយវិញទៀត ចំពោះពិធីរៀបអាពាហ៍ពិពាហ៍របស់ពួកគេ ខាងក្រុមហ៊ុនរៀបចំមង្គលការមួយនឹង ចាត់ចែងក៏ដូចជារ៉ាប់រងថ្លៃចំណាយទាំងស្រុង។ ប៉ុន្តែទោះជាយ៉ាងណាមានប្រភពស្និទ្ធនឹងតារាទាំង ២ បានបង្ហើបថា មង្គលការនេះ នឹងធ្វើឡើងជាលក្ខណៈឯកជន ស្ងប់ស្ងាត់បំផុត ព្រោះសាមីខ្លួនទាំងសងខាង មិនចង់ឲ្យមានការរំខានណាមួយកើតឡើង។

Jerry និង Li Chiling បានភ្ជាប់ចំណងស្នេហ៍នឹងគ្នាតាំងពីឆ្នាំ ២០០៣ នៅពេលដែលពួកគេទាំង ២នៅជាតារាម៉ូដែល។ គួរឲ្យស្ដាយនៅឆ្នាំ ២០០៥ ចំណងស្នេហ៍នាពេលនោះក៏ឈានដល់ផ្លូវបញ្ចប់។ រហូតដល់ខែវិច្ឆិកា ឆ្នាំ ២០១៧កន្លងទៅ ស្រាប់តែមានព័ត៌មានកក្រើកមួយកើតឡើងពេញពិភពសិល្បៈ ស្របពេលដែលពួកគេបង្ហាញខ្លួនជាមួយគ្នានៅសណ្ឋាគារមួយក្នុងប្រទេសម៉ាឡេស៊ី។ វត្តមានជុំគ្នានេះ ទើបអ្នកគាំទ្រប្រាកដក្នុងចិត្តថា ពួកគេវិលមកត្រូវគ្នាវិញ៕