អតីតខ្សែប្រយុទ្ធ AC Milan អបអរជ័យជម្នះដោយលើកផ្ទាំងរូបភាពស្រីស្អាតចិនបង្ហាញអ្នកគាំទ្រ

2018-03-17 09:34:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ Alexandre Pato អតីតខ្សែប្រយុទ្ធ AC Milan បានបានអបអរជ័យជម្នះរបស់ក្លឹប Tianjin Quanjian ក្នុងក្របខ័ណ្ឌ AFC Champions League កាលពីពេលថ្មីៗនេះ ដោយលើកផ្ទាំងរូបភាពតារាសម្តែងចិន នាង Dilaraba Dilmurat។

បន្ទាប់ពីក្រុមយក្សចិន ទទួលបានជ័យជំនះ ៤-២ ក្នុងទឹកដី លើក្រុមកូរ៉េខាងត្បូង Jeonbuk Motors ដែល Pato ជាអ្នករួមចំណែករកបាន២គ្រាប់ កីឡាករសញ្ជាតិប្រេស៊ីល ហើយនិង មិត្តរួមក្រុមបានលើកផ្ទាំងរូបភាពរបស់កញ្ញាវ័យ ២៥ឆ្នាំ ដ៏ស្រស់ស្អាតរបស់ចិន ដើម្បីបង្ហាញដល់អ្នកគាំទ្រ។

ផ្ទាំងរូបភាពនេះ ទំនងជាក្រុមអ្នកគាំទ្រធ្វើឲ្យ ដើម្បីលើកទឹកចិត្តដល់ Pato ដោយសារតែ Dilraba ក៏កំពុងមើលការផ្សាយផ្ទាល់ផងដែរ ។

ដោយឡែកទាក់ទងទៅនឹងក្លឹប Tianjin Quanjian របស់ក្របខ័ណ្ឌបាល់ទាត់កំពូលប្រទេសចិន Chinese Super League កាលពីពេលថ្មីៗនេះ សារព័ត៌មានក្នុងប្រទេសអេស្ប៉ា Marca បានចុះផ្សាយថា ក្លឹបកំពូលលុយខាងលើបានចាប់អារម្មណ៍លើ Andres Iniesta ហ៊ានឲ្យថ្លៃពលកម្ម ៣៥ លានអឺរ៉ូក្នុង១ឆ្នាំ (ប្រហែល ៤៣ លានដុល្លារ) ឬ ប្រាក់ខែជាង ៣,៥ លានដុល្លារក្នុង១ខែៗ ដូចដែលលីគនៅចិនមិនដែលញញើតនឹងចាយធំដើម្បីអូសទាញកំពូលកីឡាករពីអឺរ៉ុបឡើយ៕

ប្រភព៖ Football Tribe ប្រែសម្រួល៖ សុខ លាងហ៊ត