ធ្លាយ ភិន សុដាលីស មិនទាន់ចង់បានស្នេហ៍ថ្មី ខណៈជួប ប៉ែន ចំរ៉ុង ញឹកញយក្រោយលែងលះ
- 2018-03-19 02:03:58
- ចំនួនមតិ 0 | ចំនួនចែករំលែក 0
ធ្លាយ ភិន សុដាលីស មិនទាន់ចង់បានស្នេហ៍ថ្មី ខណៈជួប ប៉ែន ចំរ៉ុង ញឹកញយក្រោយលែងលះ
ចន្លោះមិនឃើញ
ដំណឹងនៃការជួបមុខគ្នារវាង អ្នកនាង ភិន សុដាលីស ជាមួយលោក ប៉ែន ចំរ៉ុង ច្រើនលើកក្រោយក្ដីលែងលះគ្នានេះ មិនមានអ្នកខាងក្រៅណាទម្លាយឲ្យដឹងឡើយ គឺសាមីខ្លួនខាងស្រី ជាអ្នកនិយាយប្រាប់តែម្ដង បន្ទាប់ពីនាងត្រូវបានក្រុមអ្នកសារព័ត៌មាន ចោមរោមជជីកសួរពីទំនាក់ទំនងអ្នកទាំងពីរ បន្ទាប់ពីអតីតស្វាមីព្រលយពាក្យចង់ជួបមុខកូនស្រីបណ្ដូលចិត្ត។
ក្រោយលែងលះ ដាលីស បានបញ្ជាក់ឲ្យដឹងថា ខ្លួនជួបមុខអតីតស្វាមីច្រើនលើកមកហើយ ប៉ុន្តែការជួបមុខនោះ មិនបាននិយាយគ្នាឡើយ គ្រាន់តែឃើញគ្នា ពេលទៅកម្មវិធីរបស់មិត្តភ័ក្ដិម្ដងៗ។ "ជួបញឹកតើបងពេលមានកម្មវិធីមិត្តភ័ក្ដិក្នុងសិល្បៈម្ដងៗ តែឃើញគ្នាតែពីចម្ងាយទេ មិនបានជួបមុខផ្ទាល់ឡើយ"។ ភិន សុដាលីស ថ្លែង។
ការឧស្សាហ៍ជួបមុខនេះ នាងថាមិនធ្លាប់និយាយរកគ្នាទេ គឺទំនាក់ទំនងអ្នកទាំង២ ដាច់គ្នាមិនអាចត្រលប់មកវិញបានទេ។ សុដាលីស ថា រាល់ថ្ងៃនាង មិនទាន់គិតចង់បានគូស្រករថ្មីនៅឡើយទេ បើទោះបីជាបច្ចុប្បន្នមានបុរសមួយចំនួនចង់ភ្ជាប់និស្ស័យក្ដី ព្រោះខ្លាចការសម្រេចចិត្តទៅ ខុសដូចលើកមុនទៀត។ ចំពោះគូអនាគតថ្មី ដែលដាលីស នឹងសម្រេចជ្រើសរើសនោះ មិនថា អ្នកសិល្បៈ ឬមិនមែនជាអ្នកសិល្បៈនោះទេ ប៉ុន្តែក្នុងនោះត្រូវមានការសម្រេចចិត្តពីឪពុកម្ដាយជាង៥០%។
ចំពោះអតីតស្វាមី គឺលោក ប៉ែន ចំរ៉ុង ដែលចង់ជួបមុខកូននោះ ដាលីស សូមមិនបកស្រាយឡើយ ប៉ុន្តែនាងបានព្រលយថា ចាំកូនធំចាំគិតទៀត៕